राष्ट्रिय वृक्षारोपण दिवसको अवसरमा सोलुखुम्बुमा वृक्षारोपण

असार १४ , सोलुखुम्बु । राष्ट्रिय वृक्षारोपण दिवस २०८१ को अवसरमा सोलुखुम्बुमा वृक्षारोपण गरिएको छ । डिभिजन वन कार्यालय सोलुखुम्बुको आयोजनामा दुर्गा बक्स गण सोलुखुम्बको परिसरमा वृक्षारोपण गरिएको हो ।

कार्यक्रममा बोल्दै प्रमुख अतिथि जिल्ला समन्वय समितिका प्रमुख कृष्ण प्रसाद निरौलाले वातावरण इश्वरको देन रहेको बताउदै हामीले बचाउनुपर्ने प्रकृति हामीले विभिन्न बाहानामा जानेर नजानेर दुषित गराउदै प्रतिकुल बनाउदै गइरहेकाले यसलाई आफ्नो स्वरुपमा फकाउर्नेक्रममा यो वृक्षरोपण कार्यक्रमले मद्घत गर्ने बताउनु भयो । डिभिजन वन कार्यालय सोलुखुम्बुका प्रमुख बद्री प्रसाद शाहले आज ७७ वटै जिल्लामा एकै साथ एक जिल्ला एक सय विरुवा रोप्दै राष्ट्रि«य वृक्षारोपण दिवस मनाईएको बताउनुभयो ।

प्रमुख शाहले प्रकृतीको संरक्षण तथा वातावरणलाई स्वच्छ राख्न बृक्षारोपण गर्नुपर्ने उल्लेख गर्नुभयो । वन संर्वद्धन, प्रर्वद्धन र जलवायु परिवर्तन न्युनिकरणमा समेत टेवा पुग्ने भएकाले वृक्षारोपण आवश्यक रहेको बताउदै आगामी दिनमा पनि यस्ता कार्यक्रमलाई निरन्तरता दिनुपर्नेमा जोड दिनुभयो ।

उक्त कार्यक्रममा जिल्ला प्रमुख अधिकारी देवी पाण्डे खत्रि, जिल्ला प्रहरी कार्यालय प्रहरी प्रमुख एवंम प्रहरी नायव उपरीक्षक द्वारीका प्रसाद घिमिरे, दुर्गा बक्स गण सुरक्षा गुल्म सल्लेरीका सेनानी नवराज बस्नेत, शसस्त्र प्रहरी नायब उपरीक्षक कृष्ण खतिवडा लगायत विभिन्न संघ सस्थाका प्रतिनिधीको उपस्थितिमा धुपिका विरुवा रोप्दै राष्ट्रिय वृक्षारोपण दिवस मनाइएको हो ।