असार १४, सोलुखुम्बु । कृषि ज्ञान केन्द्र, फार्म व्यवस्थापन शाखा फाप्लु सोलुखुम्बुले ४८ औँ फार्म दिवस मनाएको छ । फार्म व्यवस्थापन शाखा स्थापना भएको ४८ वर्ष पुरा भएकाको अवसरमा एक कार्यक्रमको आयोजना गरि दिवस मनाईएको हो । कार्यक्रममा चालु आर्थिक वर्षमा भएका कामका प्रगति विवरण आय–व्यव समेत प्रस्तुत गरिएको छ । कृषि ज्ञान केन्द्र, फार्म व्यवस्थापन शाखा फाप्लुमा क्रमश विगतका वर्षको तुलनामा राजस्वमा कम हुदै आएको कृषि ज्ञान केन्द्र सोलुखुम्बुका बालि संरक्षक कुल बहादुर राईले बताउनुभएको छ ।
कार्यालयको तथ्याङक अनुसार नर्सरीबाट उत्पादन गरिएका तरकारी फलफुल तथा विरुवा बिक्री वितरणबाट आर्थिक वर्ष २०८०÷०८१ मा ११ लाख ९९ हजार ७ सय ६० रुपैँया राजश्व संकलन भएको हो । जस्मा साउन महिनामा ८१ हजार ५ सय २० रुपैँया, भदौ महिनामा १ लाख ४७ हजार ४ सय ८० रुपैँया, असोज महिनामा, ३६ हजार ३ सय ६० रुपँैया, कार्तिक महिनामा ३१ हजार ८ सय १० रुपैँया, मंसिर ६२ हजार ४ सय रुपैँया, पुस महिनामा २ लाख १९ हजार ४ सय २५ रुपैँया, माघ महिनामा २ लाख १० हजार ७ सय ५० रुपैँया राजश्व संकलन भएको छ ।
यस्तै २ लाख २ हजार २ सय १० रुपैँया, चैैत्र महिनामा १ लाख २६ हजार, २ सय ७५ रुपँैया, बैशाख महिनामा ३४ हजार १ सय रुपैँया र जेठ महिनामा, ४७ हजार ४ सय ३० रुपैँया राजश्व संकलन भएको कार्यक्रममा आर्थिक वर्षको विवरण कृषि ज्ञान केन्द्रका बाली संरक्षक अधिकृत राईले प्रस्तुत गर्नुभएको थियो । यस्तै आर्थिक वर्ष २०७९÷०८० मा १३ लाख ८० हजार ३ सय २ रुपैँया राजश्व संकलन गरिएको उल्लेख गरिएको छ ।
फार्म व्यवस्थापन शाखाले तरकारी तथा फलफुल र यसको विरुवा समेत उत्पादन तथा बिक्रि गर्दै आएको छ । उक्त दिवसमा जिल्ला समन्वय समिति सोलुखुम्बुका प्रमुख कृष्ण प्रसाद निरौला, जिल्ला प्रमुख अधिकारी देवी पाण्डे खत्री, सोलुदुधकुण्ड नरपालिका वडा नम्बर ४ का वडा अध्यक्ष युवास तामाङ, जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्वारीका प्रसाद घिमिरे, दुर्गा बक्स गण सुरक्षा गुल्म सल्लेरीका सेनानी नवराज बस्नेत, शसस्त्र प्रहरी नायब उपरीक्षक कृष्ण खतिवडा लगायत कृषि ज्ञान केन्द्र तथा फार्म व्यवस्थापन शाखाका कर्मचारीहरुको उपस्थिति रहेको थियो ।
Discussion about this post