सोताङमा वर्षातका कारण ४ घर जोखिममा

असार १४, साेलुखुम्बु । सोलुखुम्बुको सोताङ गाउँपालिका ४ स्थित नाम्लुङ वास्दोवामा बस्तीमा पहिरो खसेको छ । अबिरल वर्षाका कारण शुक्रबार बिहान बस्ती भन्दा करिव ४०० मिटर माथिबाट पहिरो खसेको  कारण  ४ घर जोखिममा रहेको स्थानीय सुकविर राईले जानकारी दिनुभयाे ।

संरक्षित गुठी क्षेत्र(रानी वन ) बिच भाग बाट पहिरो खसेको हो ।  सो पहिरोबाट ठूलो रुपमा क्षति नभए पनि करिब १५ मिटर घर माथी आईसकेको छ । उक्त पहिराेकाे कारण एक गोठको त्रिपाल, चित्रा लगायत सामान्य क्षति भएको छ भने गोरु डोरी छिनाई भागेको थियो ।

गोर्खा वेल्फेयर ट्रष्ट नेपालको सहयोगमा निर्मित खानेपानीको  DC 2  को बार लगाएको पिलर सहित घेराबार लगाएको ठाउँ र जग पनि क्षति पुर्याएको  बताएइएको छ । सो क्षेत्रको वडा प्रतिनिधि लगायतको परिक्षण बाट तत्काल ठूलो रुपमा आउन सक्ने संभावनाको अनुमान गरिएकाे छ ।  त्यसैले त्यस भेगका सबै नागरीकहरुलाई सतर्क रहन तथा त्यस स्थान वरपर  आफ्नो बाल बच्चा नछोड्न अनुरोध सहित सर्तकता अपनाउन पनि अनुरोध गरिएको छ  ।