असार १५, सोलुखुम्बु । सोलुखुम्बुको थुलुङ दुधकोशी बहुप्राविधिक शिक्षालय फेरी पनि कोशी प्रदेशकै उत्कृष्ट शिक्षालय बन्न सफल भएको छ । डिप्लोमा इन सिभिल इन्जिनियरिङमा अध्ययन अध्यापन गराइरहेको शिक्षालयले दोश्रो सेमेष्टरको नतिजामा ७६ दशमलव ४३ विद्यार्थी उत्तीर्ण गराउँदै प्रदेशकै उत्कृष्टबहुप्राविधिक शिक्षालय बन्न सफल भएको हो ।
२०७९ मा सञ्चालित दोश्रो सेमेष्टरको परीक्षामा सहभागी भएका १६ जना विद्यार्थी मध्ये १३ जना विद्यार्थी सेमेस्टर उत्तीर्ण हुन सफल भएको शिक्षालयका प्रधानाध्यापक किरण कुमार थापा मगरले बताउनुभयो । भर्ना भएका १७ विद्यार्थी मध्ये १६ जना विद्यार्थीले सेमेस्टरको परीक्षामा सहभागिता जनाएका थिए ।
गत असार १३ गते प्रकाशन भएको नतिजा अनुसार ७६ प्रतिशत भन्दा बढी विद्यार्थी उत्तीर्ण भएपछि शिक्षालय प्रदेशकै सबैभन्दा बढी प्राविधिक धार तर्फ इन्जिनियरिङ विधामा नतिजा हात पार्न सफल शिक्षालय बनेको हो । यस अघि ३५ जना इन्जिनियर उत्पादन गर्दै सो शिक्षालय उत्कृष्ट बन्न सफल भएको थियो भने शिक्षालयबाट सञ्चालन हुने सेमेस्टर परिक्षाको नतिजाहरूमा उत्कृष्ठ नतिजा हात पार्दै आएको छ ।
गाउँ आमाबुबा सँगै बसेर घरको खाना खाएर सुलव मुल्यमा पालिका बासी विद्यार्थीलाई इन्जिनियर बन्ने सुनौलो अवसर भएकाले यसको सदुपयोग गर्न थुलुङ दुधकोशी गाउँपालिका अध्यक्ष असिम राईले अनुरोध गर्नुभएको छ ।
Discussion about this post