नेपाल दलित संघ सोलुखुम्बु अध्यक्ष विश्वकर्माले गरे जन्मदिनको अवसरमा विद्यालयलाई आर्थिक सहयोग

असार १६, सोलुखुम्बु ।  सोलुखुम्बुको माप्य दुधकोशी गाउँपालिका ४ का समाजसेवी एवं नेपाल दलित संघ सोलुखुम्बुका अध्यक्ष कर्ण विश्वकर्माले आफ्नो जन्म दिनको अवसर पारेर विद्यालयको अक्षय कोषमा आर्थिक सहयोग गर्नुभएको छ ।  

उहाँले आफ्नो जन्म दिन असार १५ को अवसर पारेर शनिवार ५ हजार ५ सय ४६ रुपैयाँ आर्थिक सहयोग गर्नुभएको हो । काँकु मावि माप्य दुधकोशी गाउँपालिका वडा नम्बर ४ भेडाचौरमा स्थापना गरिएको अक्षयकोषमा रकम जम्मा गर्ने पुर्व घोषणा अनुसार उहाँले १५ गते उक्त रकम जम्मा गर्नुभएको विद्यालयले जनाएको छ ।  

गरिब तथा जेहेन्दार विद्यार्थीहरूको पठनपाठनमा आर्थिक सहयोग गर्ने छात्रवृत्ति प्रदान गर्नै हेतुले स्थापना गरिएको अक्षयकोषमा जन्मदिन, शुभकार्य वा स्व इच्छाले रकम जम्मा गर्न सकिने विद्यालयले जनाएको छ  । उक्त रकमलाई विद्यालयको हितमा खर्च गरेर शैक्षिक गुणस्तर अभिवृद्धिमा उपयोग गरिने गरिने विद्यालयले जनाएको छ ।