जीवनज्योति माविमा ९५ सदस्यीय नेविसंघ इकाइ समिति 

असार १६, सोलुखुम्बु ।  सोलुखुम्बुको थुलुङ दुधकोशी गाउँपालिका १ नेलेमा नेविसङ्घको ९५ सदस्यीय इकाइ समिति गठन गरिएको छ । नेले स्थित जीवनज्योति माध्यमिक विद्यालयमा आइतबार सुजन तामाङको अध्यक्षतामा ९५ सदस्य नेपाल विद्यार्थीसँग इकाई समिति गठन गरिएको हो ।

नेपाल विद्यार्थी संघ जिल्ला कार्य समिति सोलुखुम्बुको संगठन विस्तार कार्यक्रम अन्तर्गत जिबन ज्योति मा.बि. नेलेमा ईकाइ गठन गरिएको नेविसंघ सोलुखुम्बुले जनाएको छ । कार्यक्रममा बोल्ने वक्ताहरूले नेपाल विद्यार्थी सङ्घलाई समय सापेक्ष ढङ्गबाट संगठन निर्माण सँग सङ्गै रचनात्मक कार्यक्रममा पनि जोड दिनुपर्ने धारणा राख्नुभएको छ ।

इकाई समिति गठन कार्यक्रममा नेपाली कांग्रेस सोलुखुम्बुका युवा नेता कुमार खड्का, कांग्रेस सोलुखुम्बुका युवा नेता द्रोण बास्तोला, थुलुङ दुधकोशी १ नेले वडा उपसभापति कर्ण बहादुर खड्का, सचिव साजन घले, सहसचिव, लाक्पा शेर्पा लगायतको उपस्थिति रहेको नेपाल विद्यार्थी संघ जिल्ला कार्यसमिति सोलुखुम्बुका सचिव मोहन कृष्ण निरौलाले जानकारी दिनुभयो ।