ओखलढुङ्गामा फेरी पहिरोको वितण्डा, ज्यान बचाउन भागाभाग

असार १७, सोलुखुम्बु ।  पुर्वि पहाडी जिल्लाहरू पछिल्लो मनसुनमा पहिरोको हव बन्दै गइरहेका छन ।  केही दिन अघि मात्रै ओखलढुङ्गाको चिशंखुगढीमा पहिरोबाट एक जनाको ज्यान गएको खवर नसेलाउँदै फेरी अर्को पहिरोले २५ घर जोखिममा पारेको समाचार आइरहेको छ ।

  जिल्लाको मोलुङ गाउँपालिका वडा नम्बर ७ गौरीडाँडा र सोही वडाको देशेमा गएको पहिरोबाट स्थानीय पेम्बा तामाङका गोठमा बाँधेका २ वटा माउ भैसी रु २ वटा राँगा बगाएको छ ।  यस्तै स्थानीय मिन बहादुर तामाङको १ वटा राँगा समेत पुरिएको अवस्थामा प्रहरीले उद्धार गरेको छ ।

आइतबार राती करिव ११ः ३० बजेको समयमा गएको पहिरोले वडाका जेसे गौडा, पहरी वस्ती, गुरुङबारी, तामाङ बस्ती रत्ने लगायतका गाउँ पहिरोको उच्च जोखिममा हेको भएपनि अहिले तत्काल भने ५ परिवार विस्थापित भएका छन ।  मोलुङ ७ रतनेका भक्त बहादुर तामाङ, सिंह बहादुर तामाङ, महरानी तामाङ, पेम्बा तामाङ र मीन तामाङको परिवार पहिरोका कारण विस्थापित भएका छन । उनी हरूलाई सुरक्षित स्थान तर्फ सार्ने काम भइरहेको प्रहरीले जनाएको छ ।

उक्त पहिरोबाट हाल सम्म मानवीय क्षति भने नभएको ओखलढुंगा प्रहरीले जनाएको छ । पहिरो गएको थाहा पाएपछि स्थानीयले भागेर ज्यान बचाएका थिए ।