असार २५, सोलुखुम्बु । सोलुखुम्बुको धाप टाप्टीङ कच्ची सडकछेउको एक घर पहिरोको जोखिममा परेको छ । सडकको छेउबाट झरेको पहिरोले सोलुदुधकुण्ड नगरपालिका ८ सिंगाने स्थित धाप बाट टाप्टीङ जाने भित्री सडक खण्डको छेउमा रहेको स्थानीय पशि शेर्पाको घर पहिरोको जोखिममा परेको हो ।
निरन्तर परेको वर्षात पछि सडकको छेउपटीको भाग खस्दा शेर्पाको घर जोखिममा परेको जिल्ला प्रहरी कार्यालय सोलुखम्बुले जनाएको छ । पहिरोका कारण शेर्पाको २ तले ढुङ्गामाटोले बनेको २ तले घर माथिबाट झरेको पहिरोले जोखिममा रहेको र शेर्पा परिवारलाई छिमेकीको सारिएको जनाइएको छ ।
निरन्तरको वर्षातले जिल्लाका विभिन्न स्थानमा बाढी पहिरोको घटना निम्त्याइरहेको छ । खोला खोल्सा तथा नदिहरूमा जलसतह बढ्दै गएकाले सतर्क रहनुपर्ने जल तथा मौसम विज्ञान विभागले बताएको छ ।
Discussion about this post