५ दिन पछि खुल्यो फाप्लु बेनि सडक

असार २६, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ४ स्थित फाप्लु बेनि सडक सुचारु गरिएको छ । गत शनिबार राति परेको अविरल बर्षात पछि खसेको पहिरोले अबरुद्ध सडक बुधबार दिउँसो ३ बजेको समयबाट सुचारु गरिएको हो ।

सोलुदुधकुण्ड नगरपालिका वडा नम्बर ४ का वडा अध्यक्ष युवास तामाङका अनुसार करिब ५० मिटर माथिबाट खसेको पहिरो निरन्तर बर्षाका कारण तत्काल खोल्न नसकिएको सडक अहिले पुर्ण रुपमा सुचारु गरिएको हो । फाप्लु बेनि सडक अबरुद्व हँदा जिर्ण अवस्थामा रहेको जम्बु बेनी सडक वैकल्पिक रुपमा प्रयोग गरिएको थियो ।

वडा अध्यक्ष तामाङको बिशेष पहलमा बेनि हाइड्रो पावर प्रोजेक्ट लिमिटेडको मेसिन प्रयोग गरी बाटो खुल्ला गरिएको जनाइएको छ । उक्त बाटो हुदैँ पैदल यात्री तथा सवारी साधन समेत आवतजावत गर्न थालेका छन् ।