कुखुरा फर्म सञ्चालकको बीभत्स हत्या

असार २७, सोलुखुम्बु । मोरङको सुन्दरहरैँचामा कुखुरा फर्मभित्र बीभत्स अवस्थामा हत्या गरिएको अवस्थामा फेला परेको छ । हत्या हुनेमा सुन्दरहरैँचा नगरपालिका–९ का ४९ वर्षीय सहदेव बजगाईंको आफ्नै कर्मचारीले हत्या गरेको हुनसक्ने प्रहरीले आशंका गरिएको छ ।

बिहीबार बिहान बजगाईंको शव आफ्नै कुखुरा फर्म भित्र भेटिएको थियो । मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले हत्या भएको पुष्टि गर्दै घटनामा संलग्नको पहिचान भइसकेको बताए । घरनजिकै कुखुरा फर्म सञ्चालन गर्दै आएका बजगाईंको त्यही फार्मभित्र बिहीबार करिब साढे १० बजे शव फेला परेको हो ।

प्रहरीका अनुसार बजगाईंको टाउको क्षतविक्षत अवस्थामा भेटिएको छ भने शरीरका अन्य भागमा चोट देखिएको छ । बजगाईंको कुखुरा फार्ममा काम गर्नका लागि एक दम्पती बसेका थिए । घटनास्थलमा रगत लतपतिएको अवस्थामा एउटा बन्चरो र दाउरा फेला परेको छ । मृतकको शरीरमा पनि बन्चरो र दाउले प्रहार गरेजस्तो चोट देखिएको भन्दै प्रहरीले थप अनुसन्धान भइरहेको जनाएको छ ।