लिखुपिके गाउँपालिकाले गर्याे ८२ प्रतिशत बजेट खर्च

असार २७, सोलुखुम्बु । सोलुखुम्बुको लिखुपिके गाउँपालिकाले चालु आर्थिक वर्षमा ८२ प्रतिशत बजेट खर्च गरेको छ । पालिकाले चालु आर्थिक वर्ष २०८०/०८१ को हाल सम्म ८२.३९ प्रतिशत बजेट खर्च गरेको हो । गाउँपालिकाले यस आर्थिक वर्ष २०८०/०८१ को स्विकृत आयोजना तथा कार्यक्रमहरुको सम्पुर्ण खर्च र भुक्तानी सम्बन्धि लेखांकन कार्य सम्पन्न गरि सुत्र प्रणाली बन्द गरिएको पालिकाले जनाएको छ ।

लिखुपिके गाउँपालिकाका प्रमुख प्रशासकीय अधिकृत काजिमान राईका अनुसार चालु आर्थिक वर्षका लागि पुँजीगततर्फ ४६ दशमलव १० प्रतिशत र चालु तर्फ ४६ दशमलव २७ प्रतिशत खर्च गर्न सफल भएको छ । आर्थिक वर्ष २०८०÷०८१ मा विनियोजित २५ करोड बजेटमा पूर्वधारमा बढी खर्च गरिएको प्रमुख प्रशासकीय अधिकृत राईले जानकारी दिनुभयो ।