ऐसेलुखर्क गाउँपालिकाको सार्वजनिक सुनुवाई, बिकासे कामलाई जोड दिन नागरिकको माग

असार ३१, सोलुखुम्बु । खोटाङको ऐसेलुखर्क गाउँपालिकाको आर्थिक वर्ष २०८०/०८१ को हालसम्मको सार्वजनिक सुनुवाई सम्पन्न गरेको छ । गाउँपालिकाका ७ वटै वडामा सार्वजनिक सुनुवाइ तथा सामाजिक परीक्षण सम्पन्न गरि आइतबार गाउँपालिकाले सो सुनुवाइ सम्पन्न गरेको हो ।

सार्बजनिक सुनुवाइमा गाउँपालिभित्र भएका बिकासे योजना तथा बजेटको अवस्था लगायतको बारेमा जानकारी गराइएको छ । उक्त कार्यप्रगतिको विषयमा उपस्थित नागरिकले जिज्ञासा राखेका थिए भने पालिका अध्यक्ष गिरेन्द्र बहादुर राई र उपाध्यक्ष राजेश कुमार राजभण्डारीले त्यसको जवाफ दिनुभएको थियो।

कृषिमा क्रान्ति ल्याउनुपर्ने, दिर्घकालिन सडक निर्माण गर्न र गुणस्तरिय शिक्षामा जोड दिन आम नागरिकको माग रहेको छ । यस्तै विकास निर्माणलाई अगाडी बढाउन नागरिकहरुले सुझाव दिएको प्रमुख प्रशासकीय अधिकृत रेख बहादुर थापाले जानकारी दिनुभयो ।