खोटाङको २ छुट्टाछुट्टै स्थानमा आगलागी, एक घर र ६ वटा गाई जले

खोटाङको दिप्रुङ चुइचुम्मा गाउँपालिका वडा नम्बर ५ स छितापोखरीमा आगलागीबाट एक घर जलेर नष्ट भएको छ ।  गएराती गाउँपालिकाको स छितापोखरी खुटुर्केका श्म्सेर बहादुर खड्का र दिपक खड्काको घरमा विद्युत सर्ट भइ आगलागी हुँदा घर पूर्ण रुपमा नष्ट भएको हो ।  घर जल्दा के कती क्षति भयो यसको पुरा विवरण आउन बाँकी रहेको जिल्ला प्रहरी कार्यालय खोटाङले जनाएको छ । आगलागी राती नियन्त्रणमा लिएको बताइएको छ ।  

यता खोटाङको हलेसी तुवाचुङ नगरपालिका ११ राजापानीमा वनमा लागेको डढेलोले ६ वटा गाई मारेको छ ।  राजापानीको मानदाता  महनकला सामुदायिक बनमा लागेको डढेलो अनियन्त्रित भएर जङ्गल नजिकै रहेको स्थानीय अम्बिका कार्कीको खरको छानो भएको गोठ र टिनको छानो भएको भान्सा घरमा आगलागी हुदा गोठमा बाँधिएको ६ वटा गाई जलेर मरेका छन भने  ४ वटा गाई घाईते भएको बताइएको छ ।  

कार्कीको गाई सहित भान्सा घर र भान्सा घर भित्र रहेको अन्नपात भाडाबर्तन जलेर पूर्ण रुपमा  नष्ट हुदाँ पाँच लाख बराबरको क्षति भएको जिल्ला प्रहरी कार्यालय खोटाङका पहरी निरिक्षक बेनु कार्कीले जानकारी दिनुभयो ।  आगलागी  प्रहरी र स्थानिय बासीको  सहयोगमा साँझ करिव ६ः३० बजेको समयमा  पूर्ण रुपमा नियन्त्रणमा आएको प्रहरीले जनाएको छ ।