स्तूपा सामुदायिक अस्पतालमा लक्षित बर्गकाे विशेष छुटमा उपचार गरिने

साउन ७, सोलुखुम्बु  । पिके सोलुखुम्बु टाप्टिङ समाज सेवाले स्तूपा सामुदायिक अस्पताल सँग सम्झौता गरेको छ । समाजले विभिन्न खालका स्वास्थ्यसेवा  छुटमा प्रदान गर्ने सर्त सहित स्तुपा सामुदायिक अस्पताल काठमाण्डौ सँग सम्झौता गरेको हो ।

आर्थिक वर्ष २०८१/८२ भरि समाज र अस्पतालको द्विपक्षीय साझेदारीमा समाजले सिफारिस गरेका पिवन्न, गरिब, निमुखा लगायत समाजका आजीवन सदस्य सेवाग्राहीहरूलाई छुटमा उपचार सेवा दिने पिके सोलुखुम्बु टाप्टीङ सामाजिक सेवाका अध्यक्ष ङवाङ् फुरी शेर्पाले बताउनुभयो ।

सम्झौता अनुसार अव समाजको सिफारिसमा स्तूपा सामुदायिक अस्पताल पुग्ने सेवाग्राहीले ओ.पि.डिमा २५ प्रतिशत, इन्भेस्टिगेसनमा २५ प्रतिशत, सर्जरी लगायत अन्य सेवामा १५ प्रतिशत र बेड चार्जमा २५ प्रतिशत सम्मको छुट पाउने अध्यक्ष शेर्पाको भनाई छ ।  यो सम्झौता अस्पतालका निर्देशक डा. पेम्बा लामा र समाजका अध्यक्ष शेर्पाका बीच गत साउन १ गते नै भएर कार्यान्वयनमा आइसकेको दावा जाङ्बु शेर्पाले बताउनुभयो ।