देशको सुरक्षा गर्ने मन्त्रालयको जिम्मेवारी पाउदाँ मन्त्री राई गौरवान्वित

साउन १२, सोलुखुम्बु । रक्षा मन्त्री मानविर राईले नागरिकको निस्वार्थ सहयोगले देशको सुरक्षा गर्ने मन्त्रालयको जिम्मेवारी पाएको बताउनुभएको छ । शनिबार नेकपा एमाले सोलुखुम्बु काठमाडौं सम्पर्क मन्चद्वारा नव दुर्गा पार्टी प्यालेस सुकेधारामा आयोजित बधाई एवं शुभकामना कार्यक्रममा रक्षामन्त्री राईले यस्तो बताउनुभएको हो ।

उहाँले मन्त्रालयको जिम्मेवारी पाउनुमा आम नागरिकहरुले उल्लेख्य भूमिका निर्वाह गरेको औंल्याउनुभयो । रक्षामन्त्रीको हैसियतले देशको सुरक्षा र आम नागरिकको रक्षाका लागि आफु अहोरत्र खटिरहने मन्त्री राईले बताउनुभयो । यस्तै आफु राजनितिमा प्रवेश गरेदेखि नै निस्वार्थ रुपमा राजनिति गर्दै आएको र आम नागरिकहरुको दुःख, मर्कालाई नजिकबाट बुझदै आएको उल्लेख गर्नुभएको छ ।

सोलुखुम्बुको माप्य दुधकोशी–२ मा वि.सं २०२७ मा जन्मिनुभएका राईले वि.सं २०४२ बाट राजनीतिक यात्रा प्रारम्भ गर्नुभएको हो । उहाँ वि.सं २०७९ मा सम्पन्न आम निर्वाचनमा सोलुखुम्बुबाट प्रतिनिधिसभामा निर्वाचित हुनुभएको हो ।

वि.सं २०४६ पछि नेकपा (एमाले) जिल्ला कमिटी सदस्य, जिल्ला उपाध्यक्ष र उपसचिव हुँदै वि.सं २०७२ मा जिल्ला कमिटी अध्यक्षमा निर्वाचित हुनुभयो । उक्त बधाई एवं शुभकामना कार्यक्रममा प्रत्यक्ष अप्रध्यक्ष रुपमा सहयोग गर्ने नागरिकप्रति आभार प्रकट समेत व्यक्त गर्नुभएको छ ।