हिमालमा देखीयाे डेँगुकाे प्रकाेप, सोलुुखुम्बुमा ४ जना सङ्क्रमित

साउन १४, सोलुखुम्बु । हिमाली जिल्ला सोलुखुम्बुमा डेँगु सङ्क्रमण बढ्न थालेको छ ।  जिल्ला स्वास्थ्य कार्यालय सोलुखुम्बुका अनुसार जिल्लाभर हाल सम्म ४ वटा डेँगु सङ्क्रमण सम्बन्धी ४ वटा केस आएका हुन ।  जिल्लामा पहिलो डेँगु सङ्क्रमण नेचासल्यान गाउँपालिकामा पुष्टि भएको थियो ।

त्यसपश्चात् जिल्लको सोताङ र अहिले पछिल्लो समय सोलुदुधकुण्ड नगरपालिकाका २ जना डेँगुका बिरामी भेटिएको स्वास्थ्य कार्यालय सोलुखुम्बुका फोकल पर्सन अशोक सिवाकोटीले बताउनुभयो । वर्षायाम सुरुवातसँगै जिल्लामा डेङ्गु सङ्क्रमण बढिरहेको छ । अहिले सङ्क्रमित मध्ये ३ जना बिरामी डाक्टरको निगरानीमा घरमै छन भने १ जना जिल्ला अस्पताल फाप्लुमा उपचार गराइरहेका छन ।  

जिल्लाका विभिन्न पालिकामा रहेका स्वास्थ्य संस्थाहरूबाट डेङ्गु परिक्षण तथा उपचार हुने भएकाले सङ्केत देखिए तत्काल स्वास्थ्य संस्थामा गएर डेङ्गु परिक्षण गराउन स्वास्थ्य कार्यालय सोलुखुम्बुले अनुरोध गरेको छ ।  जिल्लामा अहिले २५ वटा बढी डेङ्गु परिक्षण किट छन् । भने ल्याब भएका पालिकाका स्वास्थ्य संस्थाहरूमा परिक्षण किट उपलब्ध गराइएको छ ।