सोलुका दर्जनौँ ठाउँमा सडक अवरुद्ध, खुलाउन सक्रिय बन्दै प्रहरी { हेर्नुस तस्वीरमा पनि }

साउन १६, सोलुखुम्बु  । रातभर परेको पानीले सोलुखुम्बुका दर्जनौँ सडकहरू अवरुद्ध भएका छन ।  सोलुलाई राजधानी सँग जोड्ने एक मात्रै सिद्धिचरण राजमार्ग अन्तर्गत पर्ने सोलु सडक खण्डमा दर्जनौँ स्थानमा सडक अवरुद्ध बनाएको हो ।

सल्लेरी गार्मा, साल्मे क्षेत्रमा कतै पहिरो खसेर सडक अवरुद्ध छ भने कतै पहिरोले सडक बगाएको छ एकाबिहानै देखी सडक खुलाउन नेपाल प्रहरी सक्रियता पूर्वक लागेको छ । अहिले जिल्ला प्रहरी कार्यालय सोलुखुम्बु प्रमुख एवं प्रहरी नायब उपरीक्षक द्वारिका घिमिरेकै नेतृत्वमा दर्जनौँ सङ्ख्यामा प्रहरीहरू सडक खुलाउने कार्यमा परिचालित भएका छन् ।    

सिद्धिचरण राजमार्ग अन्तर्गत पर्ने पहलमान भीरमा खसेको पहिरोले साल्मे सल्लेरी सडक अवरुद्ध हुँदा आवतजावत नै प्रभावित बनेको थियो । आवतजावत प्रभावित बनेपछि सल्लेरीबाट काठमाण्डौका लागी हिँडेका सवारी अलपत्र थिए ।

तर पहिरोका कारण बाटो अवरुद्ध भएको जानकारी पाएपछि प्रहरी पुगेर केही घण्टामै सडक सञ्चालनमा ल्याएर अहिले एकतर्फी आवत जावत खुल्ला गरिएको छ  । वर्षेनी पहिरोका कारण अवरुद्ध हुने साल्मे पहिरो सँगै नजिकै रहेको पहलमान भीर सडकमा भर्दा यात्रा जोखिम युक्त बन्ने गरेको छ ।  

तर जोखिम युक्त स्थानमा प्रहरी परिचालित भएर सवारी चालक तथा यात्रुहरूलाई सुरक्षित महसुस गराउदैर झरेका ढुँगा पन्छाउन प्रहरी तल्लीन छ ।  यस्तै जिल्लाका अन्य स्थानहरूमा र सोही सडक खण्डका विभिन्न स्थानमा सडक माथिबाट र सडक तलबाट गएको पहिरोका कारण अवरुद्ध सडक खुलाउन प्रहरी धमाधम लागी परिरहेको छ ।