माथिल्लो सगरमाथाका ३ जिल्लामा कति प¥यो पानी ? 

साउन १८, सोलुखुम्बु । विहीबार बिहान ८ बजेदेखी शुक्रबार बिहान ८ बजे सम्मको २४ घण्टे अवधीमा हिमाली जिल्ला सोलुखुम्बुको सदरमुकाम सल्लेरीमा २५ मिलिलिटर बढी पानी परेको छ  । जल तथा मौसम विज्ञान विभाग फिल्ड ओखलढुङ्गाका अनुसार विहीबार बिहान ८ बजे देखी  शुक्रबार बिहान ८ बने सम्मको २४ घण्टामा जिल्लाको सदरमुकाम सल्लेरीमा २५ दशमलव ७ मिलिलिटर पानी परेको हो ।

दिउँसो खोल्ने  राती पानी पर्ने चक्र चलिरहेको पछिल्लो मौसमको अपडेटमा खोटाङको दिक्तेलमा सबैभन्दा धेरै पानी परेको छ ।  दिक्तेलमा बिहान ८ बजे सम्म ५४ दशमलव ४ मिलिलिटर पानी परेको छ ।  यस्तै ओखलढुङ्गामा २५ दशमलव २ मिलिलिटर पानी परेको थियो ।  

यस्तै विभागका  विहीबार दिउँसो साँढे २ बजे सम्म ओखलढुङ्गाको माने भञ्ज्याङमा परेको थियो  ।  जहाँ ६३ मिलिलिटर पानी परेको हो । यस्तै माथिल्लो सोलुखुम्बु अर्थात लुक्ला क्षेत्रमा १४ दशमलव ४ मिलिलिटर, खोलुखुम्बुको सदरमुकाम सल्लेरी नजिकै रहेको पेकरनासका ३९ मिलिलिटर, रभुवा खोटाङमा १७ दशमलव ६ मिलिलिटर, उदयपुरको कटारीमा ८९ दशमलव ६ मिलिलिटर पानी परेको जल तथा मौसम विज्ञान विभाग फिल्ड ओखलढुङ्गाका प्रमुख अनिल पराजुलीले बताउनुभयो ।

यि तिन जिल्लका विभिन्न नदि तथा खोलाहरूमा बाढीको जोखिम रहेपनि नदीहरूको जलसतह तत्काल नियन्त्रित अवस्थामा रहेको छ । यद्यपि नदि किनार तथा खोलाहरूमा नजान र सतर्कता अपनाउन पराजुलीको अनुरोध छ ।