साउन १८, सोलुखुम्बु । संस्कृति पर्यटन तथा नागरिक उड्यन मन्त्री बद्रि प्रसाद पाण्डेले पार्टीको पर्यटन विभागलाई क्रियाशील बनाउदै लैजाने बताउनुभएको छ । नेपाली काङ्ग्रेस पर्यटन विभागले आयोजना गरेको अन्तरक्रिया कार्यक्रममा बोल्दै सरकारका नवनियुक्त मन्त्री पाण्डेले विभागलाई थप क्रियासित बनाउँदै त्यहाँबाट आउने पर्यटन विकासका विषयहरूलाई सम्बोधन गरिने बताउनुभएको हो ।
पार्टी केन्द्रिय कार्यालय सानेपामा आयोजित कार्यक्रमलाई सम्बोधन गर्ने क्रममा मन्त्री पाण्डेले पर्यटन सँग सम्बन्धित मुद्दाहरू छरिएर आउँदा सम्बोधन गर्न कठिनाइ हुने भन्दै सङ्गठन बनाएर ल्याउन सके सहज रूपमा सम्बोधन हुने बताउनुभएको छ ।
पार्टीको पर्यटन विभाग मार्फत पर्यटन सम्बन्धी विषयहरू ल्याउँदा त्यसलाई जिम्मेवार ढङ्गले सम्बोधन गर्न सकिने प्रति उहाँको सङ्केत थियो । उहाँले वैदेशिक रोजगारीको विकल्प नेपालको पर्यटन क्षेत्र हुन सक्ने भन्दे यसको थप सुदृढीकरण र सशक्तीकरण गर्दै रोजगारी श्रीजना गर्नु जरुरी रहेको उल्लेख गर्नुभएको छ ।
कार्यक्रमका अध्यक्ष तथा काङ्ग्रेस पर्यटन विभाग प्रमुख केन्द्रिय सदस्य आङगेलु शेर्पाले पर्यटन विभाग सरकारलाई पर्यटन सँग जोड्न सम्बन्ध सेतुको रुपमा रहेको उल्लेख गर्नुभएको छ ।
Discussion about this post