साउन २३, सोलुखुम्बु । गएरातीदेखि परेको वर्षाले सल्लेरी ओखलढुगां सिद्धिचरण राजमार्ग सडक खण्ड अबरुद्ध बनेको छ। सोलुखुम्बुको सोलुदुधकुण्ड नगरपालिका वडा नम्बर ११ साल्मे स्थित सल्लेरी ओखलढुगां सिद्धिचरण राजमार्गमा माथिबाट पहिरो झर्दा मुख्य सडक अवरुद्ध बनेको हो ।
अहिले पहिरो हटाउने प्रयास भइरहेको जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरेले जानकारी दिनुभयो । उहाँका अनुसार बाटो माथिबाट खसेको लेदो माटो र साना ढुंगा हटाइसके पनि बाटोको बिचमा रहेको ठुलो ढुंगो हटाउन भने केही समय लाग्ने छ ।
यस्तै जौरबौद्ध स्थितको लुम्जे खोलामा लेदो सहितको माटो बगेर सडकम थुप्रिएको छ, भने जिल्ला प्रहरी कार्यालय र अस्थाई प्रहरी चौकी रमिते र अस्थाई प्रहरी चौकी दार्पुबाट प्रहरीको टोली खटि गई पहिरो हटाउने कार्य भइरहेको प्रहरीले जनाएको छ ।
Discussion about this post