सल्लेरी च्याल्सा विद्युत कम्पनी लि.को चरम लापरवाही, एक कर्मचारीको मृत्यु, ३ घाइते

साउन २६, सोलुखुम्बु । सल्लेरी च्याल्सा विद्युत कम्पनिका एक कर्मचारीकाे विद्युत लाइन बनाउने क्रममा ज्यान गएको छ । आज शनिबार सोलुदुधकुण्ड नगरपालिका वडा नम्बर ५ स्थित कृषि कार्यालय छेउ मा बुस कटिङ (रुख कटान गर्ने)  क्रममा करेन्ट लागेर कर्मचारी विष्णु राईको मृत्यु भएको जिल्ला अस्पताल सोलुखुम्बुका प्रमुख डा. प्रशान्त शाहले जानकारी दिनुभयो ।

करेन्ट राई सहित अन्य ३ जना कर्मचारीलाई पनि लागेको थियो । यद्यपी अन्य ३ जनाको अवस्था सामान्य रहेको जिल्ला प्रहरी कार्यालय सोलुखुम्बुले जनएको छ ।घाइते हुनेमा टासी शेर्पा, बुद्धी राज राजभण्डारी र कुमार श्रेष्ठ   रहेका छन् । मृतक राइको मृत्यु भएपछी अहिले जिल्ला अस्पताल फप्लु तनावग्रस्त बनेको छ ।

कम्पनिले कामका लागी कर्मचारीले लिएको ५ बजेसम्मको सट डाउन समयमा करिव ४ः३८ नै सुचारु गरिदिँदा करेन्ट लागेको घाइते टाशी शेर्पाले बताएका छन । घाइतेहरुको अहिले जिल्ला अस्पताल फाप्लुमा उपचार भइरहेको छ भने मृतकको शव परिवारले बुझ्न मानेका छैनन ।

उनको परिवारले कम्पनीको लापरवाहीले मृत्यु भएको भन्दै क्षतीपुर्तिको माग गर्दै त्यसपछि मात्र शव बुझ्ने बताएका छन् ।