अखिल (क्रान्तिकारी ) सोलुखुम्बु काठमाडौं सम्पर्क समन्वय समितिको भेला सम्पन्न

साउन २६, साेलुखुम्बु । पशुपति बहुमुखि क्याम्पस, मित्रपार्क काठमाडौं को हलमा अखिल(क्रान्तिकारी) सोलुखुम्बु- काठमाडौ सम्पर्क समन्वय समितीको भेला सम्पन्न भएको छ । तदर्थ समिति संयोजक क विशाल कुलुङको सभापतित्वमा अखिल क्रान्तिकारी केन्द्रीय कमिटि उपाध्यक्ष क इन्द्र भुषालको प्रमुख आतिथ्यता तथा अखिल क्रान्तिकारीका पुर्व केन्द्रीय समिति सचिव हाल सोलु काठमाडौं सम्पर्क समन्वय समिति अध्यक्ष सुरेश बाबू जमरकट्टेलको विशेष आतिथ्यतामा कार्यक्रम क रोसन खालिङले सञ्चालन गर्नु भएको थियो ।

आज सम्पन्न भेलाबाट क. विशाल कुलुङको अध्यक्षता मा ९ सदस्य पदाधिकारी सहित २५ सदस्य कार्य समिती सर्वसम्मत निवार्चित भएको छ । कार्यक्रममा अखिल क्रान्तिकारीका उपाध्यक्ष नारायण खानाल, उप महासचिव हेमन्त राई, सचिव मदन लिम्बू, युवा नेता भुपेन्द्र कटेलले मन्तव्य तथा शुभकामना व्यक्त गर्नु भएको थियो ।

निर्वाचित सम्पुर्ण टिमलाई बधाई तथा शुभकामना दिदै सम्पर्क समन्वय समिति अध्यक्ष जमरकट्टेल र उपमहासचिव राईले खादा र अविर लगाएर सपथ खुवाई कलम तारा अंकित झन्डा हस्तान्तरण गरि जिम्मेवारी दिनु भएको छ ।