अखिल (क्रान्तिकारी) सोलुखुम्बु–काठमाडौ सम्पर्क समन्वय समितिको अध्यक्षमा कुलुङ चयन

साउन २७, सोलुखुम्बु । अखिल (क्रान्तिकारी) सोलुखुम्बु–काठमाडौ सम्पर्क समन्वय समितिको अध्यक्षमा बिशाल कुलुङ चयन भएका छन् । अखिल (क्रान्तिकारी) का केन्द्रीय उपाध्यक्ष इन्द्र भुषालको प्रमुख आतिथ्यतामा पशुपति बहुमुखी क्याम्पसमा सम्पन्न भेलाले कुलुङको अध्यक्षतामा ९ जना पदाधिकारीसहित २५ सदस्यीय कार्य समिति सर्वसम्मत चयन गरेको हो।

तदर्थ समितिका संयोजक विशाल कुलुङको सभापतित्वमा सम्पन्न सो भेलालाई अखिल क्रान्तिकारीका उपाध्यक्ष नारायण खनाल,उप–महासचिव हेमन्त राई, सचिव मदन लिम्बु तथा नेकपा माओवादी केन्द्रका युवा नेता भुपेन्द्र कट्टेलले सम्बोधन गर्नुभएको थियो ।

रोशन खालिङले सञ्चालन गरेको सोही कार्यक्रममा नवनिर्बाचित कार्य समितिलाई सपथ गराईएको थियो। कलम र तारा अंकित झण्डा हस्तान्तरण गरेर शनिबार नै कार्यसमितिलाई जिम्मेवारी हस्तान्तरण गरिएको अखिल क्रान्तिकारीका पूर्ब केन्द्रीय सचिब जम्मरकट्टेलले जानकारी दिनुभयो ।