च्याल्सा विद्युत मर्मतका क्रममा मृत्युवरण गरेका परिवारको माग २५ लाख क्षतिपूर्ति सहित रोजगारी 

साउन २७, सोलुखुम्बु ।  सल्लेरी च्याल्सा विद्युत कम्पनीद्धारा वितरित विद्युत प्रसारण लाइन मर्मतका क्रममा शनिवार ज्यान गुमाएका परिवारले १० लाख रुपैयाँ क्षतीपूर्ती र रोजगारी सहित पठनपाठनको माग गरेको छ ।

मृतक   र घाइते परिवारको माग सम्बोधनका लागी गठित वार्ता समन्वय समितिको माध्यमबाट मृतक विष्णु राईको परिवारले १० लाख रुपैयाँ क्षतिपुर्ती र बालबच्चाको पठनपाठन सहित  रोजगारी दिनुपर्ने माग परिवारको रहेको वार्ता समन्वय समितिका पदेन सदस्य तथा सोलुदुधकुण्ड नगरपालिका वडा न्म्बर ६ का अध्यक्ष फुर्वा ग्याल्जेन शेर्पाले बताउनुभयो । अन्य ३ जना घाइते भएकाहरूको उपचार प्रभावकारी ढङ्गले गरिनुपर्ने माग रहेको र उनीहरूको उपचारका लागी हेलिकप्टर मार्फत काठमाण्डौ लगिनुपर्ने माग परिवारको रहेको छ ।

 शनिवार विद्युत लाइन मर्मतका क्रममा कर्मचारी विष्णु राईको मृत्यु भएको थियो भने कुमार बस्नेत, टाशी शेर्पा र बुद्धि राजभण्डारी शक्त घाईते भएका थिए । कम्पनीको त्रुटीका कारण मानवीय क्षतिसमेत हुन पुगेको भन्दै परिवारले क्षतिपुर्तिको माग गरेपछि आइतबार बिहान हाेटल एभरेष्टमा भएको सरोकारवालाहरूको एक भेला वार्ता समन्वय समिति गठन गरेको थियो ।  भेलाले बुद्धि नारायण श्रेष्ठको संयोजकत्वमा ८ सदस्यीय समन्वय समिति गठन गरिएको छ ।

 समितिको सदस्यहरूमा उत्तरकुमार राइ, कल्पना राई, साङ्गे शेर्पा, श्याम बहादुर तामाङ, दीपक राजभण्डारी, श्याम कुमार राई, गोपाल घिमिरे र डि बी खालिङ रहेका छन । यस्तै पदेन सदस्यहरूमा सोलुदुधकुण्ड नगरपालिकाका उप प्रमुख गान्धीमाया तामाङ, सोलुदुधकुण्ड नगरपालिका वडा नम्बर ५ का अध्यक्ष मिङमार तामाङ, ६ का वडा अध्यक्ष फुर्वा ग्याल्जेन शेर्पा र थुलुङ दुधकोसी गाउँपालिकाका प्रवक्ता भोजराज कार्की रहनुभएको छ ।