१२ घण्टा पछि खुल्याे साल्मे सडक 

साउन २७, सोलुखुम्बु ।  साल्मेको पहिरो झरेर अवरुद्ध बनेको सडक १२ घण्टा पछि खुलेको छ ।  सिद्धिचरण लोकमार्गमा पर्ने साल्मे सिस्नेरी सडक खण्डमा गएको पहिरो १२ घण्टा पछि खुलाएर सवारी आवागमन सुरु भएको छ ।

आइतबार  बिहान ५ बजे खसेको पहिरो अहिले साँझ  ५ : ३० तिर खुलाएर सबारीसाधन पास गराइएको प्रहरीले जनाएको छ ।  जिल्ला प्रहरी कार्यालय सोलुखुम्बुका अनुसार बिहान बाट बन्द भएको सवारी आवतजावत सुरु भएको हो ।  सोलुखुम्बु भित्रिने एक मात्र नाकाको रुपमा रहेको साल्मे सिस्नेरी सडक खण्ड शनिवार राती परेको अविरल वर्षात पछि पहिरो झर्दा अवरुद्ध बनेको थियो । पटकपटक सडक अवरुद्ध हुँदा सोलुखुम्बु भित्रिने र छाड्ने सवारी साधन बिचमा अडकिएका थिए ।  

ढुँगा सहितको पहिरो दिनभर खुलाएर अहिले साझ ५ः३० बाट खुलाइएको हो । सडक खुलाउन सडक विभाग, प्रहरी सहितको टोली परिचालन भएको जनाइएको छ ।  बिहान रोकिएका सवारी साधन दिनभर जोरबौद्ध र साल्मेमा रहेका थिए । सडक माथिबाट पहिरो झरेर सडक अवरुद्ध बनाएपछि सल्लेरीबाट काठमाण्डौका लागी हिडेका यात्रु दिनभर अलपत्र परेका थिए ।