सल्लेरीमा लाखेजात्रा हेर्न गएका दीपक घाइते, टाउकाेमा लगाउन पर्याे ४ टाँका

साउन ३०, सोलुखुम्बु  । लाखे जात्रा हेर्ने क्रममा एक जना घाइते भएका छन् ।  सोलुखुम्बुको सदरमुकाम सल्लेरीमा लाखेजात्रा हेर्ने क्रममा भिडमा ठेलमठेल हुँदा स्थानीय दीपक नेपाली घाइते भएका हुन् ।  बुधबार राती करिव ८ बजेको समयमा नेवारी समुदायले निकालेको लाखे नाच हेर्ने क्रममा धकेलिँदा लड्का दिपकको टाउकोमा चोट लागेको छ ।

घाइते भएका उनको टाउकोमा ४ टाँका लगाइएको परिवारका एक सदस्य तेजराम परियारले बताएका छन् ।  अहिले सदरमुकाममा नेवारी समुदायको लाखे नाच चलिरहेको छ ।  उनीहरूको सांस्कृतिक नृत्य हेर्न र जात्राको मनोरञ्जन लिन सयौँ दर्शकहरू उपस्थित हुन्छन तर अमर्यादित र तडकभडकको शैलीले गर्दा दुर्घटना हन पुग्ने उनको भनाई छ ।  

घाइते भएका दीपक अपाङ्गता भएका व्यक्ति समेत हुन् । उनको अहिले सल्लेरीमा रहेको सोलु हेल्थ केयरमा उपचार भइरहेको छ भने अवस्था सामान्य रहेको डाक्टरले बताएका छन् । घाइते दीपकलाइ गस्तीमा खटिएकाे प्रहरी टाेली र उनकाे पारिवारिक सदस्यले उद्दार गरेर स्वास्थ्य संस्थामा लगेका थिए ।