सोलुखुम्बुका ३ स्थानमा दुधकुण्ड मेला तिर्थयात्री सहायता कक्ष, अफ्ठ्यारो परेमा १०० मा फोन गर्न प्रहरीको आग्रह

साउन ३२, सोलुखुम्बु । जिल्ला प्रहरी कार्यालय र सोलुदुधकुण्ड नगरपालिकाको संयुक्त आयोजनामा दुधकुण्ड मेला तिर्थयात्री सहायता कक्ष स्थापना गरिएको छ । जनै पुर्णिमाको अवसरमा दुधकुण्ड जाने भक्तजनलाई लक्षित गरी सहायता कक्ष स्थापना गरिएको जिल्ला प्रहरी कार्यालय सोलुखुम्बुले जनाएको छ ।

जिल्ला प्रहरी कार्यालय सोलुखुम्बुका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरेका अनुसार दुधकुण्ड मेला तिर्थयात्री सहायता कक्ष ३ ठाउँमा राखिने भएको छ । जस्मा आवाडाडाँ, कामुडाँडा र दुधकुण्ड पोखरीमा सहायता कक्ष राखिने भएको हो ।

आफ्नो शरिर र सामानको ख्याल गर्न, लागु औषध र मादक पदार्थ सेवा नगर्न, सुरक्षा सर्तकताको लागि मेला स्थलमा खटिएका प्रहरी कर्मचारीलाई सम्पर्क गर्नु, कुनै झन्झटमा पर्न खोजेमा सुचना गर्न, स्वास्थ्य सावधानी अपनाउन, स्वास्थ्य समस्या परेमा स्वास्थ्य शिविरमा सम्पर्क गर्न , जथाभावी फोहोर नगर्न, आवश्यक परेमा आकस्मिक नम्बर १०० मा सम्पर्क गर्न आग्रह गरिएको छ ।

सोलुदुधकुण्ड नगरपालिकाको एक पर्यटकीय र धार्मिक स्थल कारेलुङ र नुम्बुरको फेदमा अवस्थित दुधकुण्ड जनैपूणिर्माको दिन भब्य मेला लाग्ने गर्दछ । सहायता कक्ष स्थापना कार्यक्रमासोलुदुधकुण्ड नगरपालिकाकी उपमेयर गान्धी माया तामाङ, जिल्ला प्रहरी कार्यालयका प्रहरी प्रमुख एवंम प्रहरी नायव उपरीक्षक द्धारीका प्रसाद घिमिरे, प्रहरी निरीक्षक प्रविन श्रेष्ठ लगायतका सुरक्षाकर्मीहरुको उपस्थिति रहेको थियो ।