अल नेपाल युवा क्लबको तेस्रो वार्षिक साधारण सभा सम्पन्न, नयाँ अध्यक्षमा फूर्वा चयन

भदौ २, सोलुखुम्बु ।  अल नेपाल युवा क्लबको अध्यक्षमा फुर्वा छिरिङ शेर्पा चयन हुनुभएको छ ।  शनिवार सम्पन्न तेस्रो वार्षिक साधारण सभाले शेर्पाको अध्यक्षतामा २३ सदस्यीय कार्य समिति चयन गरेको हाे ।   

कार्यक्रममा प्रमुख अतिथि महतले  निर्वाचित भएका पदाधिकारि हरु लाई हार्दिक बधाई साथै सफल कार्यकालको शुभकामना व्यक्त गर्दै स्थानीय सरकारको तर्फबाट आवश्यक बजेट व्यवस्थापन गर्ने प्रतिबद्धता व्यक्त गर्नुभएको छ ।  कार्यक्रममा निवर्तमान अध्यक्ष दोर्ची शेर्पाले ले निर्वाचित भएका पदाधिकारीहरू लाई हार्दिक बधाई साथै सफल कार्यकालको शुभकामना व्यक्त गर्दै आफू जहाँ रहेपनि क्लबलाई निस्वार्थ रुपले सहयोग सल्लाह सुझाव रहने  बताउनुभएको छ ।  

गोकर्णेश्वर नगरपालिका वडा नं. ४ का वडा अध्यक्ष जयराम महतको प्रमुख आतिथ्यतामा सम्पन्न युवा क्लवको साधारण सभामा संस्थाका निवर्तमान अध्यक्ष दोर्जे शेर्पाको सभापतित्व रहेको थियो ।   कार्यक्रममा गोकर्णेश्वर युवा क्लबका अध्यक्ष मनिष खतिवडा लगायतका व्यक्तित्वहरुको आतिथ्यता रहेको थियो । 

क्लबका नव निर्वाचित अध्यक्ष शेर्पाले सबैलाई धन्यवाद प्रदान गर्दै क्लबको कार्यालय सञ्चालन गर्नका लागी ४ महिनाको बहाल आफूले तिर्ने र  क्लबका अधुरा काम आफ्नो कार्यकाल मा सम्पन्न गर्ने अठोट गरेका छन् । साधारणसभामा नगर युवा तथा युवा विकास समितिका अध्यक्ष सञ्जय लामा र क्लबका प्रमुख सल्लाहकार राब्गा शेर्पाको विशेष आतिथ्यता रहेको थियो ।