केन्द्रिय सदस्य केसीको प्रमुख आतिथ्यतामा नेविसंघ सोलुखुम्बुको अधिवेशन तयारी समिति गठन

भदौ २, सोलुखुम्बु ।  नेपाली विद्यार्थी सङ्घ सोलुखुम्बुले आसन्न अधिवेशनको तयारी स्वरुप तयारी समिति गठन गरेको छ ।  जिल्लाको सोताङ गाउँपालिकामा शनिबार आयोजित एक कार्यक्रमका बिच आसन्न नेविसङ्घ जिल्ला अधिवेशनको तयारीका लागी विभूषण राईको संयोजकत्वमा ९ सदस्यीय अधिवेशन तयारी समिति गठन गरेको हो । उक्त समिति गठन कार्यक्रमका लागी साेताङमा केन्द्र देखी जिल्ला तहका नेताहरुको उपस्थीति रहेको थियो । 

नेपाली काङ्ग्रेसका केन्द्रिय सदस्य तथा पुर्व मन्त्री बलबहादुर  केसीको प्रमुख आतिथ्यतामा सम्पन्न कार्यक्रममा कङग्रेस सोलुखुम्बुका नेताहरू तथा नेविसङ्घका केन्द्रिय सदस्य तथा विद्यार्थीहरूको उपस्थिति रहेको थियो । कार्यक्रममा पूर्व मन्त्री तथा केन्द्रिय सदस्य बलबहादुर केसीले विद्यार्थीहरूको पहिलो काम पढ्ने हो भन्दै समाजलाई आवश्यकता परेको बेला वा राष्ट्रलाई आवश्यकता परेको बेला ज्ञान सीप भएको जनशक्ति तयार गर्ने र विद्यार्थीहरुको आवाज बोल्नका लागी नेविसङ्घले विद्यार्थी सङ्गठन निर्माण गरेको बताउनुभयो ।

उहाँले अहिले देशमा पुरानाहरूल्र केही नगरेकाे भन्ने भाष्य निर्माण भइरहेकाे भन्दै नयाँले मात्रै सम्भव पनि नहुने बताउनुभयाे । उहाँले पुरानाे पात झर्ने दृष्टान्त  दिँदै नयाँ पालुवाहरूमा अाफूहरूले अनुभव बाँडीरहेकाे दावी गर्नुभयाे ।

यस्तै कार्यक्रमका विशेष अतिथि तथा काङ्ग्रेस महाधिवेशन प्रतिनिधि एवं सोताङ गाउँपालिका अध्यक्ष खिलराज बस्नेतले विद्यार्थी आन्दोलनका हरेक मोडहरूमा नेविसंघले नेतृत्व गरेको भन्दै देशकै अग्रणी विद्यार्थी सङ्गठन नेविसङ्घ भएको बताउनुभयो । उहाँले विद्यार्थीहरूले हक र हितका लागी लड्ने नेविसङ्घमा आवद्ध हुने विद्यार्थीहरूलाई बधाई दिँदै थप जोडिन आह्वान गर्नुभयो । उहाँले भाेलि देशकाे नेतृत्व अाजकाे नेविसंङ्घले लिनुपर्ने बताउनुभयाे ।

कार्यक्रमका बोल्ने अन्य वक्ताहरुले नेपाल विद्यार्थी संघको इतिहास गौरवमय रहेको भन्दै यो संगठनले विद्यार्थीहरुको हक र हितका लागी निरन्तर लडिरहने बताएका छन् ।

कार्यक्रममा सोताङ र महाकुलुङ पालिका काङ्ग्रेस सभापतिहरु, तरुणदलका नेता तथा केन्द्रिय सदस्यहरु नेविसंघका केन्द्रिय सदस्य, नेता, इकाई सभापति तथा प्रतिनिधीहरु, काङ्ग्रेस नेता तथा जिल्ला सदस्यहरु लगायत १ सय ५० बढीको उपस्थीति रहेको थियो ।