सोलुखुम्बमा आप्रवासी श्रोत केन्द्र सहायता कक्ष सञ्चालन

भदौ ४, सोलुखुम्बु । वैदेशिक रोजगारलाई सुरक्षित बनाउन सूचना, परामर्श तथा सहजीकरणका लागि सोलुखुम्बुमा आप्रवासी स्रोत केन्द्र (सहायता कक्ष) स्थापना गरिएको छ । सोलुदुधकुण्ड नगरपालिकाले संघीय र प्रदेश सरकारसंग समन्वय गरी जिल्ला प्रशासन कार्यालय परिसरमा स्रोतकेन्द्र स्थापना गरेको हो । सोलुदुधकुण्ड नगरपालिकाका मेयर नाम्गेल जाङ्बु शेर्पाले स्थानीय सरकार सञ्चालन ऐनको दफा ११ को उपदफा २ ले दिएको अधिकार प्रयोग गरी स्रोत केन्द्र स्थापना गरिएको हो ।

प्रमुख जिल्ला अधिकारी देवि खत्री पाण्डेले प्रशासन परिसरमै कार्यालय भएकोले वैदेशिक रोजगारीमा जाने तयारीका युवालाई वैदेशिक रोजगारीमा जाँदा अपनाउनुपर्ने सुरक्षासम्बन्धी परामर्श, सावधानी तथा निःशुल्क तालिमका लागि सिफारिस तथा अप्ठ्यारोमा परेकालाई कानुनी सहायताका लागि सहज हुने बताउनुभएको छ ।