भदौ ४, सोलुखुम्बु । ८ असारदेखि कोशीमा प्रदेशसभा बैठक बस्न सकेको छैन । सत्तारुढ र विपक्षी दलका सांसदहरुले सभामुखले प्रदेशसभा बैठक नबोलाएको भन्दै आलोचना गरिरहेका छन् । मुख्यमन्त्री हिक्मतकुमार कार्कीले नेपाली कांग्रेस सरकारमा सहभागी नहुँदासम्म प्रदेशसभा बैठक नबोलाउन सभामुख अम्बरबहादुर विष्टलाई आग्रह गरेका छन् ।
मुख्यमन्त्रीको आग्रह अनुसार उनले प्रदेशसभा बैठक नबोलाएको सांसदहरुको गुनासो छ । नेपाली कांग्रेस र एमालेको गठबन्धन बनेपछि माओवादी केन्द्रका मन्त्रीहरुले राजीनामा दिइसकेका छन् तर माओवादीले समर्थन फिर्ता लिइसकेको छैन ।
सरकारमा सहभागी हुने निर्णय गरेको कांग्रेसले पनि मन्त्रीको नाम टुंगो नलगाएका कारण सरकार विस्तार अनिश्चित छ । सरकार विस्तारका नाममा संसद नै रोकिएको भन्दै कांग्रेस र एमालेकै सांसदले बैठक बोलाउन माग गरेका छन् ।
Discussion about this post