कोशीका कानून मन्त्रीसहितको टोलीले ग¥यो सोलुका सुरक्षा निकायका कार्यालयको अवलोकन 

भदौ ४, सोलुखुम्बु ।  कोशी प्रदेशका आन्तरिक मामिला तथा कानुन मन्त्री लिला वल्लव अधिकारीले जिल्ला स्थित विभिन्न सरकारी कार्यालय तथा सुरक्षा निकायको अनुगमन तथा भ्रमण गर्नुभएको छ ।  थामे बाढी पीडितका लागी राहत सामाग्री लिएर मङ्गलबार सल्लेरी आइपुग्नुभएको मन्त्री अधिकारी सहितको टोलीले आफ्नो कार्यक्षेत्र भित्रका कार्यालयहरू अनुगमन तथा भ्रमण गर्नुभएको हो ।

उहाँले सदरमुकाम सल्लेरीमा रहेको जिल्ला कारागार र जिल्ला प्रहरी कार्यालय पुगेर त्यहाँको अवस्थाको बारेमा जानकारी लिनुभएको थियो  भने कार्यालय प्रमुख हरूलाई ब्रिफिङ समेत गर्नुभएको थियो । मन्त्री अधिकारीले जिल्ला कारागारका अवलोकन गरि कारागारमा क्षमता भन्दा बढी कैदीबन्दी रहेको भन्दे यसका क्षमता वृद्धि गर्नुपर्ने आवश्यकता देखिएको बताउनुभएको छ ।  

नवनिर्मित कारागार भवनको निर्माण सम्पन्न भएपछि केही सहजता हुने उहाँका विश्वास रहेको छ ।  यस्तै मन्त्री अधिकारीले जिल्ला प्रहरी कार्यालय पुगेर पनि ब्रिफिङ गर्नुभएको छ ।  उहाँले जिल्ला प्रहरी कार्यालय सोलुखुम्बुका प्रमुख तथा प्रहरी नायब उपरीक्षक द्वारीका प्रसाद घिमिरेसँग जिल्लाभरको घटना र समसामयिक विषयमा जानकारी लिनुभएको थियो ।  उहाँले सुरक्षा निकायलाई सुसम्पन्न बनाउँदै नागरिकको सान्ती सुरक्षालाई चुस्त दुरुस्त बनाउनु पर्ने बताउनुaभएको छ  ।

त्यसका लागी बजेट आवश्यक पर्ने भएपनि मन्त्रालय सँग सीमित बजेट भएकाले एकै पटक सम्भव नहुने पनि उहाँको भनाई छ ।  जिल्ला स्थित सरकारी कार्यालय अनुगमनका लागी खानेपानी सिँचाई तथा उर्जा मन्त्री एकराज कार्की सहित जिल्ला प्रशासन कार्यालय सोलुखुम्बुका प्रमुख एवं प्रमुख जिल्ला अधिकारी देवी पाण्डे खत्री, प्रहरी नायब उपरीक्षक द्वारीका प्रसाद घिमिरे लगायत दुबै मन्त्रालयको प्रतिनिधि मण्डलको उपस्थिति रहेको थियो ।