थामेका बाढी पीडितलाई कोशी प्रदेश सरकारको राहत 

भदौ ४, सोलुखुम्बु ।  गत साउन ३२ गते गएको बाढीले तहस नहस बनाएको थामेका बाढी पीडित परिवारको राहतका लागी कोशी प्रदेश सरकार सोलुखुम्बु आइपुगेको छ ।  मंगलबार आन्तरिक मामिला तथा कानुन मन्त्री लिलाबल्लभ अधिकारी सहितको मन्त्रालयको टोलीले जिल्ला प्रशासन कार्यालय मार्फत थामे क्षेत्रका बाढी पीडितका लागी राहत सामाग्री उपलब्ध गराएको हो ।

मन्त्री अधिकारी सहितको टोली घटना स्थल अनुगमनको सदस्य लिएर आएको भएपनि मौसम खरावीका कारण हवाइ उडान हुन नसक्ने भएपछि त्यस तर्फ जान नसकेको भन्दै फाप्लु विमानस्थलमा राहत सामाग्री वितरण गरिएको छ ।  जहाँ विपद त्यहाँ कोही सरकार भन्दै मन्त्री अधिकारीले जनताको पीडामा सरकार साथमा रहेको बताउनुभयो ।

सुरुमा विपद आउने दिनका लागी सरकारले त्यसतर्फ काम गरिरहेको भन्दे उहाँले विपदमा परिहाले त्यसको राहत र पुनर्स्थापनाका लागी सरकार केही घण्टा भित्रै त्यहाँ पुग्ने गरेको बताउनुभयो । मन्त्रीस्तरीय टोलीले फाइबर सिरक ५० थान, म्याट्रेस ५० थान, तन्ना ५० थान र फाइबर सिरानी ५० थान लिएर सोलुखुम्बु आइपुगेको हो । राहत सामाग्री वितरणका लागी आन्तरिक मामिला तथा कानुन मन्त्री अधिकारी सहित उर्जा जलश्रोत तथा सिन्चाइ मन्त्री एकराज कार्की सहितको टोली फाप्लु पुगेको थियो ।

मन्त्री कार्कीको टोली भने विपदबाट खानेपानी तथा सिँचाइको आयोजनाहरूमा पु¥याएको क्षति तथा यसको लगत सङ्कलनका लागी सोलुखुम्बु आएको मन्त्री कार्कीले बताउनुभयो ।  ३२ साउनमा हिम पोखरी फुटेर आएको बाढीले पर्यटकीय क्षेत्र थामे गाउँमा ठूलो क्षति भएको थियो । सोलु सदरमुकाम सल्लेरी पुगेको प्रदेश सरकारको टोली पहिरो प्रभावितलाई भेट्न ओखलढुंगा हुदैँ खोटाङ पनि जाने कार्यसूची सहित आगामी बढेको छ ।