महेन्द्रद्वय माविमा नेविसंघको इकाई समिति गठन

भदौ ४, सोलुखुम्बु । सोलुखूम्बुको नेचासल्यान गाउँपालिका वडा नम्बर २ स्थित महेन्द्रद्वय माध्यमिक विद्यालयमा नेपाल विद्यार्थी संघको इकाई समिति गठन गरिएको छ । नवराज भुजेलको अध्यक्षतामा ५१ सदस्यीय समिति गठन गरिएको अधिवेशन तयारी समितिका संयोजक विभूषण राईले जानकारी दिनुभयो ।

उहाँका अनुसार उपाध्यक्षद्धयमा सुजन योगी र समृद्धी राई, सचिवमा कृष्टिना राई, सह सचिवमा आसिका खत्री, आयुष राई र कोषाध्यक्षमा करिष्मा राई लगायत ५१ सदस्य इकाई समिति गठन गरिएको हो । नेविसंघ विद्यार्थीको हक र हितका लागि काम गर्ने भएकाले बाकीँ रहेका विद्यालयमा समेत इकाई समिति गठन गर्दै जाने राईले बताउनुभयो ।