थामे बाढी पीडितको लागी सोलुदुधकुण्ड नगरपालिकाले १० लाख रुपैयाँ दिने 

भदौ ५, सोलुखुम्बु ।  सोलुखुम्बुको खुम्बु पासाङल्हामु गाउँपालिका वडा नम्बर ५ थामे बाढीपीडितको लागी सोलुदुधकुण्ड नगरपालिकाले राहत रकम दिने भएको छ ।  गत साउन ३२ गतेको बाढीबाट गाँस बास र कपासमा क्षती व्यहोरेका बाढी पिडितका लागी नगरपालिकाले राहत स्वरुप १० लाख रुपैयाँ उपलब्ध गरिने भएको हो ।  नगरपालिकाको मङ्गलबार बसेको कार्यपालिका बैठकले यस्तो निर्णय गरेको प्रवक्ता फुर्वा ग्याल्जेन शेर्पाले बताउनुभयो ।  हिमताल फुटेर आएको दुधकोशी बाढीले पर्यटकीय गाउँ थामेको स्वरुप सँगै सिँगो गाउँमा नै क्षती पु¥याएको छ ।  उक्त क्षतिलाई मध्यनजर गरि सोलुदुधकुण्ड नगरपालिकाले १० लाख रुपैयाँ रकम राहत स्वरुप उपलब्ध गराउने निर्णय कार्यपालिकाबाटै पारित गरेको नगरप्रमुख नाम्गेल जाङ्बु शेर्पाले बताउनुभयो । बाढीबाट थामेका १३ घर, १ विद्यालय, क्लिनिक सहितका भौतिक संरचनामा क्षति पुगेको थियो ।