नेचासल्यान गाउँपालिकाको २ विद्यालयमा नेवि सङ्घ इकाई समिति गठन

भदौ ५, सोलुखुम्बु । नेपाल विद्यार्थी सङ्घ इकाई सोलुखुम्बुले नेचासल्यान गाउँपालिकाको २ वटा विद्यालयमा समिति गठन गरेको छ । गाउँपालिकाको वडा नम्बर १ र ४ का २ वटा विद्यालयमा समिति गठन गरेको हो ।

नेचासल्यान गाउँपालिका ४ स्थित केदार माध्यमिक विद्यालयमा मौसम कट्टेलको अध्यक्षतामा ६५ सदस्यीय समिति गठन गरिएको अधिवेशन तयारी समितिका संयोजक विभूषण राईले जानकारी दिनुभयो । उपाध्यक्षद्धयमा सदिक्षा बास्तोला र बिशाल फुयाल, सचिवमा पुनम बास्तोला, सह सचिवमा दिपेश भण्डारी र सामाहाङमा राई तथा कोषाध्यक्षमा रन्जिता तिल्मिसिना चयन गरिएको छ ।

यस्तै नेचासल्यान गाउँपालिका वडा नम्बर १ स्थित भूमेश्वरी माध्यमिक विद्यालयमा नेल्शन राईको अध्यक्षतामा ३८ जना सदस्यीय समिति गठन गरिएको छ । उपाध्यक्षद्धयमा निमा शेर्पा र पेम्मा जाम्बु शेर्पा, सचिवमा बिनु मगर, सह सचिवद्धयमा बिनु शेर्पा र हिरोज राई तथा कोषाध्यक्षमा राम बहादुर बस्नेत चयन गरिएको जनाइएको छ ।

प्रजातन्त्र पुनः स्थापनाको लागि र पञ्चायतका विरुद्ध तत्कालीन समय नेविसंघले खेलेको भूमिका जस्तै अब पनि नेविसंघ सशक्त भएर अगाडी बढाउने उद्देश्यले इकाई समिति गठन गरिएको अधिवेशन तयारी समितिका संयोजक विभूषण राईको भनाई छ ।