वर्षा सहितको पहिरोले ककनी मन्दिर पुरियो, एक करोडको क्षती

भदौ ६, सोलुखुम्बु । ओखलढुङ्गाको एक प्रसिद्ध चम्पादेवी ककनीको मन्दिर वर्षा सँगै आएको पहिरोले पुर्दा १ करोड बराबरको क्षती भएको छ । चम्पादेवी गाउँपालिकाको वडा नम्बर ९ मा रहेको चम्पादेवीको मन्दिर माथिबाट झरेको पहिरोले मन्दिर पुरिदा १ करोड बराबरको क्षती भएको जिल्ला प्रहरी कार्यालय ओखलढुंगाले जनाएको छ ।

मन्दिर भन्दा १ सय मिटर माथीको गारेटोबाटोबाट आएको पहिरोले ककनी मन्दिर पुर्ण रुपमा पुरिएको जिल्ला प्रहरी कार्यालय ओखलढुंगाका सुचना अधिकारी विजय कार्कीले जानकारी दिनुभयो । उहाँका अनुसार मन्दिरको संरचनामा क्षती हुदा १ करोड बाराबरको क्षती भएको र मन्दिर नजिकै रहेको झर्ना समेत पहिरोले पुर्ण रुपमा पुरीएको बताउनुभयो । पहिरो हटाउने प्रयास भइरहेको प्रहरीले जनाएको छ ।