महभीर डुम्रे सामुदायिक बनमा आगलागी सुरु 

बैशाख १८, साेलुखुम्बु । सोलुखुम्बुको नेचासल्यान गाउँपालिका ४ स्थित महभीर डुम्रे सामुदायिक बनमा आगलागी सुरु भएको छ । मंगलबार बिहान  करिव ५ बजेदेखि लागेको आगो नियन्त्रण बाहिर जाने सम्भावना  देखीएको स्थानीय बताउँछन । करिब ६१ हेक्टर क्षेत्रफलमा फैलिएको उक्त सामुदायिक बनको करिव ३ हेक्टर क्षेत्रफलमा आगो फैलिरहेको सामुदायिक बनका सचिव बालकृष्ण कटेलले जानकारी दिनुभयो । आगलागी नियन्त्रणका लागि प्रहरी सुरक्षा नखटिएकाले जोखिम बढेको उहाँले बताउनुभयो । आगो सोलुदोभान भीर बाट लागिरहेको छ । तत्काल मानव बस्ती वा अन्य क्षती हुने संभावना भने नरहेकाे उहाँले बताउनुभयाे ।