शेर्पा संघ दक्षिण कोरियाले हिमालयन सांगीतिक धमाका २०२४ पोस्टर सार्वजनिक तथा पत्रकार सम्मेलन गर्ने

भदौ १२, सोलुखुम्बु । विपत व्यवस्थापन तथा आपतकालीन राहत कोष स्थापनार्थ शेर्पा संघ दक्षिण कोरियाले कोरियाली चाड छुसकको अबसरमा सेप्टेम्बर १७ तारिक दक्षिण कोरियाको राजधानी सोलमा हिमालयन सांगीतिक धमाका कार्यक्रम गर्ने भएको छ ।

सेप्टेम्बर १७ तारिकमा पर्ने कोरियाको महान पर्व छुसकको अवसरमा कार्यक्रम आयोजना गरिएको हो । हिमालयन सांगीतिक धमाका कार्यक्रमको जिम्मेवारी बाँडफाँड गर्ने र कार्यक्रमलाई भब्य र सभ्य रुपमा सम्पन्न गर्नका लागि शेर्पा संघ दक्षिण कोरियाले यहि सेप्टेम्बर १ तारिक आइतवार पोष्टर सार्वजनिक तथा पत्रकार सम्मेलन गर्ने भएको छ । का

र्यक्रमका बारेमा पुर्ण र आधिकारिक रुपमा जानकारी गराउनुका साथै प्रचार प्रसारका लागि पोस्टर सार्वजनिक तथा पत्रकार सम्मेलन कार्यक्रमको आयोजना गरिएको शेर्पा संघ दक्षिण कोरियाका महासचिव दोर्ची शेर्पाले जानकारी दिनुभयो । सेप्टेम्बर १ तारिख आइतबार दिउँसो १२ः बजे कार्यक्रम हुने जनाईएको छ ।

हिमालयन सांगीतिक धमाका मा हुने कार्यक्रममा सहभागिताका लागि कोरियामा रहनुहुने नेपाली संञ्चारकर्मी, कोरियामा क्रियाशिल संघ संस्थामा रहनुहुने पदाधिकारी र प्रतिनिधि, अग्रज एवं बुद्धीजीबी वर्ग , विभिन्न पेशा व्यवसायमा आवद्व व्यवसायी लगायत बिभिन्न उध्देश्यका साथ कोरिया रहनुहुने सम्पुर्ण नेपाली दाजुभाई तथा दिदी बहिनीहरूलाई शेर्पा संघ दक्षिण कोरियाले आमन्त्रण गरेको छ ।