अघोषित रुपमा  विद्युत काटिएको भन्दै उद्योग वाणिज्य संघ सोलुखुम्बुले गरायो च्याल्सालाई ध्यानाकर्षण 

भदाै १२, साेलुखुम्बु ।  ० दशमलव ६ मेगावाटको सल्लेरी च्याल्सा विद्युत कम्पनीबाट वितरीत प्रशासरण लाइनमा बारम्बार अवरोध आएको भन्दे उद्योगी तथा व्यवसायीहरूले ध्यानाकर्षण गरेका छन् । बुधबार कम्पनीका प्रबन्धक भोजराज तिवारीलाई कार्यालयमै पुगेर उद्योग वाणिज्य संघ समेलुखुम्बुले ध्यानाकर्षण गराएको हो । उद्योग बाणिज्य संघ सोलुखुम्बुमा अध्यक्ष रामलाल श्रेष्ठको नेतृत्वमा गएको टोलीले बेलाबेलामा लाइन जाँदा उद्योगीहरूलाई समस्या भएको बताएको छ ।

च्याल्साको विद्युत प्रशारण लाई नियमित नहुदा आउने जाने भइरहदा घर तथा पसलमा जोडेका सामाग्रीहरू जल्ने, बिग्रिने भएका कारण ध्यानाकर्षण गराउनु परेको जनाइएको छ ।  च्याल्सा विद्युत सल्लेरी जगायतका क्षेत्रका विभिन्न होटल पसल तथा अस्पताल लगायत विद्यालय जस्ता महत्वपूर्ण स्थानमा प्रयोग भइरहेको बेला झ्याप्प झ्याप्प आउने जाने गर्दा सामाग्री विग्रने, मेसिनरी सामाग्रीमा समस्या आउने, सेवाग्राहीलाई सेवा दिन समस्या हुने भएकाले समस्या समाधानका लागी ध्यानाकर्षण पत्र मार्फत अनुरोध गराइएको व्यवसायी वकिल कार्कीको भनाई छ  ।

ध्यानाकर्षण गराउने क्रममा व्यवसायीहरूले कम्पनीले अघोष्ति रुपमा लाइन काटेर दुखः दिएको बताएका छन् । उनीहरूले पेट्रोलियम पदार्थको मूल्य वृद्धिका कारण जेनेरेटरमा चलाउन सक्ने अवस्था नभएका बेला लाइन अघोषित रुपमा काटिदा चौविसै घण्टा सेवा प्रवाह गर्नुपर्ने निकायहरूलाई समस्या हुने गरेको बताएका छन् । समस्याका बारेमा सुने पछि कम्पनीका प्रबन्धक भोजराज तिवारीले बर्खायामको समयमा मर्मत लगायतका काम गर्नका लागी लाइन काट्नुपर्ने बाहेकका अवस्थामा विद्युत अवरुद्ध नगरिएको बताउनुभएको छ ।  उहाँले तारमा रूख पात ढल्दा, वर्षातका कारण पहिरो जाँदा यस्तो समस्या आउने भन्दै केन्द्रिय प्रसारण लाइनको ग्रिडमा समस्या आउँदा पनि विद्युत अवरुद्ध भएकाले यस्तो समस्या निम्तिएको बताउनुभएको छ ।