पाँचथरमा विस्फोट भएको बम सशस्त्र द्वन्द्वकालीन भएको गृहमन्त्री रमेश लेखकको दाबी

भदौ १५, सोलुखुम्बु । गृहमन्त्री रमेश लेखकले पाँचथरमा दुई बालबालिकाको मृत्यु हुने गरी विस्फोट भएको बम सशस्त्र द्वन्द्वकालीन भएको बताउनुभएको छ । गृह मन्त्रालयमा आज पत्रकारहरुसागको अन्तरक्रियामा मन्त्री लेखकले विस्फोट भएको बम तत्कालीन माओवादीको द्वन्द्वकालमा छाडिएको पुष्टि भएको बताउनुभयो ।

उहाँले यो घटनाबारे अनुसन्धान भइरहेको जानकारी दिनुभयो । मन्त्री लेखकले नेपाल प्रहरी, सशस्त्र प्रहरी बल र निर्वाचनसम्बन्धी कानुन बनाउने आफ्नो पहिलो प्राथमिकता रहेको बताउनुभयो । प्रहरी र निर्वाचनसम्बन्धी कानुनका मस्यौदा अर्थ मन्त्रालयमा पुगिसकेको र सशस्त्र प्रहरी बलसम्बन्धी ऐनको मस्यौदा पनि अन्तिम चरणमा पुगेको जानकारी उहााले दिनुभयो ।

गृहमन्त्री लेखकले गतसाता गौरा पर्व मनाउने क्रममा काठमाडौंको टुँडिखेलमा नाराबाजी गरेको आरोपमा तीन जनालाई पक्राउ गरिएको जानकारी दिनुभयो । विरोध गर्न पाउने अधिकार सबैको भए पनि चाडपर्व मनाउने स्थलमा गर्नु गलत भएकाले पक्राउ गरिएको उहाँको भनाइ छ । पक्राउ परेका तिनै जना आजै रिहा भएका छन् ।