साेलुखुम्बु, बैशाख २० । बुधवारको आगलागीबाट घर आवास गुमाएका सोलुखुम्बुको थुलुङ दूधकोशी गाउँपालिका पन्चनका ३ अग्नि पीडितलाई नेचासल्यान गाउँपालिकाले राहत उपलब्ध गराएको छ । गाउँपालिकाका जनप्रतिनिधिको टोली घटना स्थल पुगेर स्थलगत निरीक्षण गरि अति प्रभावित ३ घरका परिवारलाई नगद सहित खाद्यान्न सहयोग गरेका हुन । पालिका अध्यक्ष धनजन राई र उपाध्यक्ष विना राईले पन्चन वडा कार्यालय पुगेर प्रति परिवार नगद १० हजार सहित खाद्यान्नका सामाग्री राहत स्वरूप हस्तान्तरण गर्नुभएको हो ।
सहयोग रकम प्रदान गर्दै उपाध्यक्ष राईले विपत्तिमा छिमेकी पालिकाको हैसियतले सामान्य सहयोग गरेर अग्नीपिडित परिवारको दुःखमा साथ दिएको बताउनुभएको छ । बुधवारको आगलागीबाट पन्चनका १० घर जलेर नष्ट भएका थिए ति मध्य अति प्रभावित ३ परिवार बडिसुवा राई, हस्तीमाया राई र पूर्ण बहादुर अधिकारीलाई नगद तथा खाद्यान्न सामाग्री वितरण गरिएको हो । राहत वितरणमा जिल्ला समन्वय समिती साेलुखम्बुका प्रमुख कृष्ण प्रसाद निराैलाकाे सहजिककरणा रहेकाे थियने । उहाँले पीडित लाइ राहत, उद्वार र पुनर्स्थापनाका लागी सरकारहरूलाइ समन्वय गर्न पछि नहट्ने बताउनुभएकाे छ । यस्तै आजै नेपाल रेडक्रस सोसाइटी जिल्ला शाखा सोलुखुम्बुले पनि अग्नीपिडित हरूलाई राहत उपलब्ध गराएको छ ।
रेडक्रस सोसाइटी जिल्ला शाखा सोलुखुम्बुका उपसभापति रोहित बाँस्तोला सहितको टोलिले अग्नीपिडित ३ परिवारलाई लत्ताकपडा, भाँडावर्तन र खाद्य सामाग्री उपलब्ध गराएको हो । सो क्रममा उपशाखा नेचाबेतघारीका पदाधिकारीको पनि उपस्थिति रहेको थियो । यसअघि थुलुङ दुधकोसी गाउँपालिकाले पनि आजै पीडित परिवारलाई प्रति परिवार ५० हजार नगद र अन्य राहत सामाग्री प्रदान गरेको छ ।
स्थलगत रिपाेर्टिङ हेर्न यहाँ क्लीक गर्नुहाेस् ।
Discussion about this post