नेकपा एमाले सोताङ गाउँ कमिटीको तेस्रो बैठक सम्पन्न

भदौ २३, सोलुखुम्बु । नेकपा एमाले सोताङ गाउँपालिकाको कमिटी विस्तारित तेस्रो बैठक सम्पन्न भएको छ । शनिबार कोशी प्रदेश कमिटी सदस्य एवंम सोताङ इन्चार्ज पार्वती राईको प्रमुख आतिथ्यतामा तेस्रो बैठक सम्पन्न भएको हो । गाउँपालिका कमिटीका अध्यक्ष धन कुमार विश्वकर्माको अध्यक्षतामा गरिएको बैठकमा नेकपा एमालेलाई थप मज्बुद बनाउन गाउँ कमिटीको भुमिकाबारे विविध निर्णय गरिएको छ ।

उक्त बैठकमा जिल्ला सल्लाहकार परिषदका संयोजक हर्क बहादुर राई, जिल्ला सचिवालय सदस्य वीर कुमार राई, वीर बहादुर राई, लक्ष्मी कार्की बस्नेत जिल्ला कमिटी सदस्य प्रकाश कार्की लगायत जिल्ला कमिटी नेताहरु, जिल्ला लेखा कमिटी उपाध्यक्ष मानवीर राई, जिल्ला जेष्ठ कम्युनिस्ट मञ्चका अध्यक्ष पृथ्वी बहादुर थापाको उपस्थिति रहेको थियो ।