निजामती सेवा दिवसको अवसरमा सोलुखुम्बुका डीएसपी घिमिरे सहित ७ सम्मानित 

भदौ २३, सोलुखुम्बु । निजामती सेवा २०८१ को अवसरमा सोलुखुम्बुका डीएसपी द्वारीका प्रसाद घिमिरे सहित अन्य ७ कर्मचारी सम्मानित भएका छन् ।  जिल्ला प्रशासन कार्यालयले आयोजना गरेको व्याडमिन्टन प्रतियोगिता कार्यक्रमका समापनका अवसरमा शनिबार योङ्गस्टार कभर्डहलमा प्रहरी नायब उपरीक्षक डिएसपी घिमिरे सहित अन्य ६ लाई सम्मानीत गरिएको हो ।

सम्मानित हुनेमा  सम्मानीत हुनेमा जिल्ला न्यायाधीवक्ता बुद्धिलाल श्रेष्ठ, प्रहरी नायब उपरीक्षक द्वारीका प्रसाद घिमिरे, जिल्ला अस्पताल फाप्लुका डाक्टर तथा अस्पताल निमित्त प्रमुख प्रशान्त शाह,  इलाका प्रशासन कार्यालय सोताङका प्रमुख नायब सुब्बा नइन्द्र बहादुर बस्नेत, जिल्ला प्रशासन कार्यालयका लेखापाल महेश भण्डारी, जिल्ला शिक्षा तथा समन्वय इकाईका प्राविधिक सहायक विर्मा डाँगी, जिल्ला प्रशासन कार्यालयका कार्यालय सहयोगी शान्तिराम कटवाल रहेका छन् ।

 सम्मानित हुनुभएका भएका प्रनाउ घिमिरेले जिल्लामा सुरक्षा याेजना तर्जुृमा, शान्ती सुव्यवस्था कायम गर्न, विपद व्यवस्थापन, उद्धारका लागी प्रहरीले खेलेको  प्रभावकारी भुमिकाको कदर गर्दे सम्मानित गरिएको हो । भने न्यायाधीवक्ता श्रेष्ठलाई न्याय सम्पादनलाई विश्वसनीय र पारदर्शी बनाउनमा खेलेको भूमिका बापत सम्म गरिएको हो । अन्य सम्मानित कर्मचारीहरूलाई पनि उनीहरूको कामको कार्यसम्पादन र सेवाप्रवाहमै दिएको योगदानको कदर स्वरुप सम्मानीत गरिएको हो ।

 यसैबीच निजामती सेवा दिवसका अवसरमा सोलुखुम्बुका १ कर्मचारी उत्कृष्ठ कर्मचारीको रुपमा पुरस्कृत भएका छन् । जिल्ला प्रशासन कार्यालय सोलुखुम्बुमा कार्यालय सहयोगीका रुपमा कार्यरत तेज बहादुर कट्वाल उत्कृष्ठ कर्मचारीको रुपमा सम्मानीत भएका हुन ।   कार्यक्रमका सभापति तथा प्रमुख जिल्ला अधिकारी देवी पाण्डे खत्री तथा कार्यक्रमका प्रमुख अतिथि एवं सोलुदुधकुण्ड नगरपनलिकाका प्रमुख नाम्गेल जाङ्बु शेर्पाले कदर पत्र सहित सम्मानित गर्नुभएको हो ।