निजामती सेवा दिवसको अवसरमा आयोजित ब्याडमिन्टन प्रतियोगिता सम्पन्न, खुल्ला तर्फको उपाधि नेपाल प्रहरीलाई 

भदौ २२, सोलुखुम्बु ।  निजामती सेवा दिवसको अवसर पारेर आयोजना गरिएको व्याडमिन्टन प्रतियोगितामा नेपाल प्रहरीको टिमले खुल्ला तर्फको प्रथम उपाधि हात पारेको छ ।  जिल्ला प्रशासन कार्यालय सोलुखुम्बुले आयोजना गरेको जिल्ला व्यापी खुल्ला ब्याडमिन्टन प्रतियोगितामा खुल्ला विधा तर्फको उपाधि जिल्ला प्रहरी कार्यालय सोलुखुम्बुमा कार्यरत नेपाल प्रहरी सुवास थापा र सन्दिप राईको टिमले हात पारेको हो ।

यस्तै महिला डवल तर्फको उपाधि सरिता राई र कलाराईले हात पारेका छन् भने जिल्ला स्तरीय निजामती कर्मचारी पुरुष डबल तर्फको उपाधि सोलुदुधकुण्ड नगरपालिकाका फुर्वा शेर्पा र प्रदिप शाक्यले हात पारेका छन् ।  यस्तै जिल्ला स्तरीय खुल्ला पुरुष डबल तर्फको द्धितिय स्थान फुर्वा ग्याल्जेन शेर्पा र योगेन्द्र श्रेष्ठको टिमले हात पारेको छ भने तेश्रो स्थान दीपक राजभण्डारी र राजकुमार खत्री तथा गोविन्द प्रसाद पोखरेल र रविन खत्रीले हात पारेका छन् ।

यस्तै निजामती कर्मचारी तर्फको द्वितीय स्थान आयोजक जिल्ला प्रशासन कार्यालयका कर्मचारी सुमन कार्की र महेश भण्डारीको टिमले हात पारेका हुन भने तृतीय स्थान छत्र ध्वज बस्नेत, नवराज पराजुली  र लवुन राई, अनुजंग राईले जितेका छन् । यता महिला तर्फको द्वितीय स्थान सम्झना श्रेष्ठ, सरस्वती राईको टिमले जित्यो भने तृतीय स्थान बुलबुल पौडेल, मनिसा राइ र रामकुमारी राई, सनमाया राईको टिमले जितेका छन् । सोलुदुधकुण्ड नगरपालिकाका प्रमुख नाम्गेल जाङ्बु शेर्पाको प्रमुख आतिथ्यतामा सम्पन्न प्रतियोगिता समापन तथा पुरस्कार वितरण कार्यक्रममा जिल्ला प्रशासन कार्यालयका प्रमुख तथा प्रमुख जिल्ला अधिकारी देवी पाण्डे खत्रीको सभापतित्व रहेको थियो  ।

विजेता तिनै विधा तर्फका खेलाडीलाई प्रथम, द्वितीया, तृतीय पुरस्कार राशि क्रमशः ५ हजार, ३ हजार, र १५ सयको साथमा ट्रफी मेडल र प्रमाणपत्र वितरण गरिएको छ ।  शुक्रबारबाट सुरु भएको प्रतियोगिताको उद्‌घाटन जिल्ला न्यायाधीवक्ता  बुद्धिलाल श्रेष्ठले गर्नुभएको थियो भने शनिबार समापन कार्यक्रममा सोलुदुधकुण्ड नगरपालिकाका मेयर शेर्पा, उपमेयर गान्धीमाया तामाङ, जिल्ला न्यायाधीवक्ता  श्रेष्ठ, जिल्ला प्रहरी कार्यालयका डीएसपी द्वारीका प्रसाद घिमिरे, सशस्त्र प्रहरी बल सोलुखुम्बुका डीएसपी गोविन्द प्रसाद पोखरेल, नेपाली सेनाका मेजर लगायत जिल्लाका  सम्पूर्ण सरकारी कार्यालयका प्रमुख तथा सरकारी कर्मचारीको उपस्थिति रहेको थियो ।