चम्पा देबी युवा क्लबले गर्याे, प्राचीनकालमा बनेका मानेको सरसरफाई

भदौ २३, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर १० लुम्सामा रहेको ४ वटा पुराना मानेको सरसफाई गरिएको छ । आइतबार क्लबका अध्यक्ष छोङ्सोना शेर्पाको अगुवाइमा लुम्सामा रहेका ४ वटा पुराना र भत्किएका मानेहरुको सरसफाई गरिएको हो ।

प्रतिकुल मौसम, भौगोलिक विकटता र विभिन्न कठिनाइका बवाजुत चम्पा देबी युवा क्लबले चार वटा पुराना भत्किएको माने सरसफाई गर्न पाउँदा हर्षित भएको अध्यक्ष छोङ्सोना शेर्पा भनाई छ । माने र बौद्ध सफा भएपछि गाउँको मुहार फेरिएको भन्दै सरसफाई गर्दा पूर्खाले निर्माण गरिराखेको सम्पदा संरक्षण र संवर्द्वनमा एउटा इटा थप्न सफल भएको महसुस शेर्पाले गर्नुभएको छ ।

बौद्ध धर्मावलम्बीहरुको आस्थाको प्रतिक, सांस्कृतिक तथा पर्यटकीय महत्व बोकेको ४ वटा माने पर्खालहरुको अवस्था जीर्ण अवस्थामा रहेकाले सरसफाई गरिएको हो । पू्र्खाहरुले पुण्य आर्जन गर्ने बौद्ध दर्शनको प्रवर्धनका लागि निर्माण गरिएका मानेहरुको संरक्षण नहुँदा भत्किने माटोले पुरिएर लोप हुदै गएको अवस्थालाई ध्यानमा राख्दै पूर्खाको सम्मान र इतिहास रक्षाका लागि माने पुनः निर्माण गरिएको जनाइएको छ । सरसरफाईमा क्लबका सदस्य लगायत स्थानीयबासीहरुको समेत सहभागीता रहेको थियो ।