भदौ २४, सोलुखुम्बु । सोलुखुम्बुको माप्य दुधकोशी गाउँपालिकामा २ दिने लैङ्गिक समानता, समावेशी शिक्षा, बाल सुरक्षा तथा अपाङ्गता सम्बन्धि तालिम सुरु भएको छ । रीड नेपालको आयोजना तथा माप्य दुधकोशी गाउँपालिकाको समन्वय, अष्ट्रेलियन हिमालयन फाउन्डेसन र अष्ट्रेलियन एडको आर्थिक सहयोगमा तालिम सुरु भएको माप्य दुधकोशी गाउँपालिकका उपाध्यक्ष गौरव राईले जानकारी दिनुभयो ।
तालिममा माप्य दुधकोशी गाउँपालिका भित्रका २० वटा विद्यालयका प्रअ, जेन्डर फोकल शिक्षक र स्थानीय सोत शिक्षक गरी ४४ जनाको सहभागिता रहेको छ । लैंगिकता समावेशी शिक्षा सुरक्षित विद्यालय बाल सुरक्षा अपांगता गुनासो सुनुवाई तथा व्यवस्थापन लगायतका विषय वस्तु समेटिने रीड नेपालका शिक्षा विकास संयोजक केशवदेव गिरिले जानकारी दिनुभयो । उक्त तालिमको सहजीकरण रीड नेपालका सेफ गार्ड अफिसर लक्ष्मी श्रेष्ठ र जेन्डर विशेषज्ञ कमला उप्रेतीले गरिरहुनुभएको छ ।
Discussion about this post