नेवि संघको ऐतिहासिक अधिवेशन लिखुपिकेमा सम्पन्न

भदौ २४, सोलुखुम्बु । नेपाल विद्यार्थी संघको पहिलो अधिवेशन लिखुपिकेमा सम्पन्न भएको छ । सोमबार नेविसंघको जिल्ला कार्य समितीको निर्णय अनुसार लिखुपिके गाउँपालिकामा पहिलो अधिवेशन सम्पन्न भएको हो । सम्पन्न अधिवेशनमा नयाँ कार्यसमिति समेत गठन गरिएको अधिवेशन समितिका संयोजक विभूषण राईले जानकारी दिनुभयो ।

लिखुपिके गाउँपालिकाको प्रथम अधिवेशनले रोशन बस्नेतको अध्यक्षतामा नयाँ कार्यसमिति गठन गरिएको छ । उपाध्यक्षद्धयमा बिनोद श्रेष्ठ र निरोज बस्नेत, सचिवमा कुमार बस्नेत,सह सचिवमा राजेन्द्र बस्नेत, रुकेस बस्नेत र गौरब बस्नेत तथा कोषाध्यक्षमा मिना खत्री चयन गरिएको छ ।

प्रजातन्त्र स्थापनायता नेविसंघको प्रभाव क्षेत्र निकै फराकिलो बनेको छ । नेपाली कांग्रेसका मेरुदण्ड भनेको नेपाल विद्यार्थी संघ हो। आफ्नो मातृ पार्टीले लिएका लक्ष्य, उद्देश्य र रणनीतिलाई प्राप्त गर्नका लागि नेपाल विद्यार्थी संघले महत्वपूर्ण योगदान पु¥याएको छ । आम विद्यार्थीको हक, हित र अधिकारको पक्षमा आवाज बुलन्द गर्नु नेविसंघको पहिलो कर्तव्य रहेको अधिवेशन समितिका संयोजक विभूषण राईलेको भनाई छ ।