नेविसंघ सोलुखुम्बुले मनायो विपी कोइरालाको १ सय ११ औँ जन्म जयन्ती, निरौलाको नेतृत्वमा रहेको जिल्ला समिति आधिकारिक भएकाे दावी  

भदौ २४, सोलुखुम्बु  । नेपालका प्रथम जननिर्वाचित प्रधानमन्त्री विश्वेश्वर प्रसाद कोइरालाको १ सय ११ औँ जन्म जयन्ती हिमाली जिल्ला सोलुखुम्बुमा भव्यताका साथ मनाइएको छ  । कोइरालाको १ सय ११ औँ जन्म जयन्तीको अवसरमा जिल्ला सदरमुकाम सल्लेरीमा  वर्तमान राष्ट्रिय राजनीति र विपी कोइराला विषयक अन्तरकृया एवं मावि स्तरीय राजनीति साहित्य र दर्शनका त्रिवेणी बिपि कोइराला विषयक निबन्ध लेखन प्रतियोगिता कार्यक्रम आयोजना गरि वीपि जयन्ती मनाइएको हो ।  

दिवसका अवसरमा आयोजना गरिएको उक्त कार्यक्रममा नेपाली काङ्ग्रेसका सभापति नाम्गेल जाङबु शेर्पाको प्रमुख आतिथ्यता रहेको थियो । कार्यक्रमका प्रमुख अतिथि जिल्ला सभापति तथा सोलुदुधकुण्ड नगरपालिकाका मेयर शेर्पाले विपी कोइराला काङ्ग्रेसको संस्थापक नेता मात्रै नभएर आदर्श र सिद्धान्त भएको बताउनुभयो ।  उहाँले अहिलेको विद्यार्थीले विपी कोइरालाको बारेमा अध्ययन गरेकाले विपी कोइरालाको सिद्धान्त र दर्शनको गहिराइ बुझ्न सक्ने भन्दै ढुक्क भएर नेविसङ्घमा लाग्न आग्रह गर्नुभयो । उहाँले जिल्लामा विभिन्न खाले अराजक गतिविधी गर्दै काङ्ग्रेसलाई बदनाम गर्ने कार्य भइरहेको भन्दै यस्ता कार्यलाई आफूले मूल्याङ्कन गरिरहेको बताउनुभयो ।

 उहाँले जिल्लामा हालसाल कायम रहेको नेविसङ्घको समितिनै आधिकारिक नेविसंघ रहेको उल्लेख गर्नुभयो । उहाँले विद्यार्थीलाई भ्रमित गराउँदै समिति बनाउने कार्य भइरहेको भन्दै मोहन कृष्ण निरौला नेविसङ्घ सोलुखुम्बुको  कार्यबाहक सभापति रहेको समिति आधिकारिक समिति रहेको बताउनुभएको हो ।  उहाँले विद्यार्थीहरूको हक हित र अधिकारका पक्षमा बोल्न सङ्गठन नेविसंघनै रहेको दावी गर्दै आफू पनि २०५८ साल देखी नेविसङ्घको सदस्य हुँदै आज सभापति सम्म आइपुगेको दृष्टान्त दिनुभयो ।  यस्तै कार्यक्रमका विशेष अतिथि एवं जिल्ला समन्वय समितिका प्रमुख कृष्ण प्रसाद निरौलाले विद्यार्थीहरूले विपी कोइरालालाई सत्य र निष्ठाको प्रतिमूर्तिको रुपमा प्रेरणा लिनुपर्ने बताउनुभयो ।

उहाँले विपी कोइरालाले नेपाली जनतालाई अँध्यारोबाट उज्यालोतिर लिएर आएको भन्दै उहाँले बिपीले लिएको समाजवादी विचार महान विचार भएको उल्लेख गर्नुभयो । कार्यक्रममा  नेचासल्यान गाउँपालिकाकी उपाध्यक्ष विना राईले विद्यार्थीहरूका पनि विपी कोइरालाजस्तै प्रभावशाली बन्न प्रेरणा मिलोस् भन्दे कार्यक्रम आयोजना भएको भन्दे विद्यार्थीहरू भविष्यको कर्णधार भएको बताउनुभयो ।  यस्तै कार्यक्रममा बोल्ने क्रममा नेपाली काङ्ग्रेस सोलुखुम्बुका प्रवक्ता तथा जिल्ला सदस्य चन्द्र आचार्यले साहित्य र दर्शनका लागी विपी र राजनितिका लागी  बोल्ने वक्ताहरुले विपी कोइराला नपाली राजनितीको शिखर पुरुष भएको भन्दै उहाँलाई नेपाल र नेपालीले कहिल्यै नविर्सिने बताएका छन् ।

 कार्यक्रममा सोलुदुधकुण्ड नगरपालिकाकी उपमेयर गान्धीमाया तामाङ, नेचासल्यान गाउँपालिकाकी उपाध्यक्ष विना राई, महाकुलुङ गाउँपालिकाकी उपाध्यक्ष विपना कुलुङ, सोलुदुधकुण्ड नगरपालिका ६ का अध्यक्ष फुर्वा ग्याल्जेन शेर्पा,  नेपाली काङ्ग्रेस सोलुखुम्बुका सहसचिव उत्रमान खालिङ, जिल्ला सदस्यहरू चन्द्र आचार्य, हेमराज कट्टेल, महाधिवेशन प्रतिनिधि एवम् ने वि संघ . केन्द्रिय सदस्य  गिता गुरूङ, महाधिवेशन प्रतिनिधि एवम् तरूण दल केन्द्रिय सदस्य  नविन थापा  लगायत नेपाल विद्यार्थी संघका केन्द्रिय सदस्यहरू भुपेन्द्र थेबे, एनपि जोशी, भानुभक्त जोशी, वासुदेव न्यौपान्ने, मनिषा विष्ट, स्ववियु सभापति, इकाई सभापति सहित बढी विद्यार्थीहरूको उपस्थिति रहेको थियो ।