भदौ २६, सोलुखुम्बु । जिल्ला प्रहरी कार्यालय खोटाङले क्यान्सर पीडित परिवारलाई आर्थिक सहयोग गरेको छ । जिल्ला कारागार दिक्तेलमा दरबन्दी भई प्रहरी चौकी रतन्छामा कार्यरत प्रहरी जवान मौसम राईका क्यान्सर पीडित बुवा मौल बहादुर राईलाई मंगलबार आर्थिक सहयोग गरेको हो ।
जिल्ला प्रहरी कार्यालय र मातहतका सम्पूर्ण प्रहरी कार्यालयहरुमा कार्यरत प्रहरी कर्मचारीबाट सहयोगार्थ उठेको १ लाख २३ हजार रकम जिल्ला प्रहरी कार्यालयमा कार्यक्रम गरेर क्यान्सर पीडित मौल बहादुरका छोरा प्रहरी जवान मौसमलाई हस्तान्तरण गरिएको जिल्ला प्रहरी कार्यालयका प्रमुख, प्रहरी नायब उपरिक्षक पुरुषोत्तम खड्काले बताउनुभयो ।
केही दिनदेखी क्यान्सर रोगबाट पीडित मौल बहादुर भरतपुर क्यान्सर अस्पतालमा उपरचाररत रहनु भएको छ ।
Discussion about this post